1 маусым күні  Диев ауылдық кітапханасының кітапханашысы көркемдік жетекшімен бірлесіп,балаларды қорғау күніне арналған «Әрқашан балалық шақ болсын!» атты мерекелік бағдарлама өткізді.
Балаларға арнап көңілді әрі жарқын ойын-сауық бағдарламасы ұйымдастырылып, оның барысында түрлі сайыстар, билер, ойындар және қызықты тапсырмалар өткізілді. Балалар барлық ойын-сауықтарға белсенді қатысып, тапқырлықтарын, достық қарым-қатынастарын және топпен жұмыс жасау қабілеттерін көрсетті.
Мерекелік шара балаларға көтеріңкі көңіл-күй, қуаныш пен ұмытылмас әсер сыйлады. Бағдарламаға белсенді қатысқан балалар тәтті сыйлықтармен марапатталды.
Іс-шараның мақсаты – балаларға мерекелік көңіл-күй сыйлау, олардың бос уақытын тиімді әрі қызықты ұйымдастыру, қарым-қатынас дағдыларын дамыту және ойын арқылы жағымды эмоциялар қалыптастыру.