Елімізде  жыл сайын «Бір ел-бір кітап» атты акция өткізу дәстүрге айналды. 2016 жылы Қазақстан  жұртшылығы ХІХ ғасырдағы қазақ әдебииеті тарихындағы белгілі ақын Дулат Бабатайұлының  «Өсиетнама» атты шығармасымен танысып, оқуда. Аудандық кітапханада ауылшаруашылық колледжінің студенттерінің қатысуымен «Дулат оқулары» өтті.

Шараға қатысушылар «Өсиетнама» жинағынан өлеңдер оқыды. Баядилов Дияс, Молдағалиев Молдабек, Коштай Бекзат, Кинтаев Бейбіт, Нұрахметов Арман «Қайғылыны уаттым», «Сүлейменге», «Сандықтас», «О, Сарыарқа, Сарыарқа...», «Иманды бұл дүниеде» атты өлеңдерді жатқа оқыды. Жастарға арналған бұл шарада акцияның тарихы, жазушының өмірі мен шығармашылығы туралы айтылды, кітап көрмесі әзірленді. Белсенді қатысушылар алғыс хаттармен марапатталды.