«Әулиекөл аудандық ОКЖ» ММ ақпараты

«Биік самғаудың 45 жылдығы!» библиокруиз

30 шілдеде мерейтой қарсаңында Әулиекөл ауданының кітапханаларын орталықтандырудың 45 жылдығына арналған «Биік самғаудың 45 жылдығы!» библиокруиз атты салтанатты бұқаралық іс - шара өтті, іс - шараға 100 - ден артық адам қатысты. Кітапхана ісін жетілдіру мақсатында 1974 - 1980 жылдары мемлекеттік бұқаралық кітапханалардың кітапханалық желісін орталықтандыру енгізілді. Аудандық халық депутаттары Кеңесінің Семиозерлік атқару комитетінің шешімімен 1980 жылдың 1 тамызынан бастап ауданның барлық мемлекеттік бұқаралық кітапханалары бірыңғай кітап қорымен, штатпен, бюджетпен және сметамен, орталықтандырылған әкімшілік басшылықпен бірыңғай орталықтандырылған кітапханалық жүйесіне (ОКЖ) біріктірілді.   Іс - шара Әулиекөл аудандық ОКЖ кітапханалық орбитасы бойынша саяхат түрінде өтті.

Іс - шара дәстүрлі шашу мен мерекелік көңіл - күйді орнатқан би нөмірінен басталды.

Бағдарламада Әулиекөл ауданының әкімінің орынбасары Жұматай Төкенұлы Кәкімжанов құттықтау сөздерін айтып, Әулиекөл ауданының әкімінің грамоталарын табыстады.

Л. Н. Толстой атындағы Қостанай облыстық әмбебап ғылыми кітапханасының кітапханаларды дамыту бөлімінің меңгерушісі Әмірхамзина Гүлжанат Хасенғалиқызы «Қостанай облысы әкімдігінің мәдениет басқармасы» ММ басшысы Қ. Б. Атамұратовтың және Қостанай облысы әкімдігі мәдениет басқармасының «Л. Н. Толстой атындағы Қостанай облыстық әмбебап ғылыми кітапханасы» КММ басшысы С. С. Безаубекованың алғыс хаттарын табыстады.

Әулиекөл аудандық ОКЖ қызметкерлері туралы жылы сөздерді Ы. Алтынсарин атындағы ОБЖК басшысы Теплякова Надежда Минеевна айтты.

 «Диалог» және «Дәстүр» клубтарының мүшелері осы мерейтойда кітапхана қызметкерлеріне жылы сөздерімен және тілектерімен алғыс білдірді.

«AMANAT» ПАРТИЯСЫ» қоғамдық бірлестігінің Қостанай облысы Әулиекөл аудандық филиалының төрайымы  Қажиева Әсем Аманқосқызы «Кітап Аmanat» жобасының басымдығын және партия оқырмандар мен кітапхана арасындағы алтын көпір болуға маңызды қадам жасап жатқаны  туралы айтты.

Бұл маңызды іс - шара кітапхана ісінің ардагерлерін, Қостанай аудандық ОКЖ, Меңдіқара аудандық ОКЖ, Науырзым аудандық ОКЖ директорлары мен әдіскерлерін, серіктестер мен оқырмандарын жинады.

Іс - шара қонақтары Әулиекөл ОКЖ - ны өзінің молшылығы мен алуан түрлілігімен ашты, жүйенің 24 филиалдарымен танысты. Қатысушылардың әрқайсысы әртүрлі байқауларға, викториналарға және интеллектуалды ойындарға қатыса алды.

Кітапхана орбитасында ұсынылды: Қазақстан халқы Ассамблеясының 30 жылдығына арналған «Бірлік пен бейбітшілікке толы 30 жыл» кітап көрмесінің тұсаукесері (Әулиекөл аудандық кітапханасы), Қазақ хандығының құрылғанына 560 жыл толуына орай қонақтар «Тарих - ғасырлар куәсі» тарихына үңілді (Қазанбасы, Бағаналы, Октябрь және Қарақалпақ ауылдық кітапханалары), «Дәмді оқу» - «Чтение со вкусом» библиокафе (Диев, Новоселов, Юльев және Федосеев ауылдық кітапханалары), «FortuneBook» зияткерлік казино (Чернигов, Құсмұрын және Первомай ауылдық кітапханалары), «Сиқырлы зазеркалье» Әулиекөл аудандық ОКЖ балалар кітапханалары, «Ұлттық дәстүр - ұлт қазынасы» викторинасы (Көктал, Соснов, Тимофеев және Москалев ауылдық кітапханалары, «ФитоЛавка», Аманқарағай, Лесной, Новонежин, Лаврентьев ауылдық кітапханалары.

Бұл іс - шара - көп жылғы жұмысты қорытындылау, кітапханашылардың мәдениет пен білім беруді дамытуға қосқан үлесі, сондай - ақ орталықтандырудың бастауында тұрғандардың барлығына құрмет.