14 шілде күні  қазіргі қоғамда сыбайлас жемқорлыққа қарсы мәдениетті және құқықтық сауаттылықты қалыптастырудың маңыздылығын ескере отырып, Аманқарағай ауылдық кітапханасы – коворкингте «Адал өмір сүр – әділ әрекет ет» атты әңгіме-ескерту өткізілді. Іс-шараға дене шынықтыру-сауықтыру кешенінің жастары қатысты.Мақсаты – өскелең ұрпақтың бойында сыбайлас жемқорлыққа қарсы көзқарас қалыптастыру, адалдыққа, азаматтық жауапкершілікке және құқықтық сауаттылыққа тәрбиелеу.Кездесу барысында қатысушылар сыбайлас жемқорлықтың пайда болу тарихы туралы ақпарат алып, парақорлық мәселесінің классикалық әдебиетте қалай көрініс тапқаны туралы білді. Сонымен қатар түрлі сыбайлас жемқорлық жағдайлары қарастырылып, осындай жағдайларға тап болған кезде дұрыс әрекет ету жолдары талқыланды.Кітапханашы жастарға «Әділдікке қол жеткізу және қалаған нәтижеге жету үшін өзіңізге немесе ата-анаңызға пара беруге тура келді ме?» және «Сыбайлас жемқорлық фактісіне тап болған жағдайда не істеу керек?» деген сұрақтар қойып, ашық пікір алмасу ұйымдастырды.Соңында барлық қатысушыларға кітапхана тарапынан арнайы әзірленген «Ар-ұятпен өмір сүр!» атты ақпараттық жадынамалар таратылды. Жадынамаларда құқықтық мінез-құлық бойынша қысқаша ұсынымдар мен сенім телефондарының нөмірлері көрсетілді.Шара жастардың құқықтық мәдениетін арттыруға, берік азаматтық ұстаным қалыптастыруға және сыбайлас жемқорлыққа қарсы күрес әр адамның өзінен басталатынын түсінуге ықпал етті. Кездесу сенімді диалог атмосферасында өтіп, қатысушылардың қызығушылығын тудырды.