12 тамызда Қазақстан Жастар күнін мерекелеу аясында Әулиекөл аудандық кітапханасында «Болашақ және жастар: үміт, тілек, арман» атты кездесу-сұхбаты өткізілді.Іс-шара барысында қатысушылар белсенді азаматтық ұстаным, өзін-өзі дамыту, мамандық таңдау, алға қойған мақсаттарға жету және елдің болашағына деген жеке жауапкершілікке қатысты мәселелерді талқылады.Кездесу ашық сұхбат форматында өтті. Қатысушылар өз болашағын қалай елестететіні, жетістікке жету үшін қандай қасиеттер қажет екені, армандары мен кәсіби жоспарлары туралы сұрақтарға жауап берді. Сонымен қатар жастар туған ауылының дамуы, Қазақстан жастарының бүгінгі жетістіктері және шынайы патриотизм ұғымы туралы өз ойларымен бөлісті.Өткізілген кездесу жастардың білімге, кәсіби өсуге, өзін-өзі дамытуға және алға қойған мақсаттарына жетуге деген ұмтылысы бар екенін көрсетті.
Іс-шара соңында қатысушыларға өз күштеріне сенімділік, шабыт, жаңа мүмкіндіктер мен табыс тілектері айтылды. Сонымен қатар үлкен болашаққа бастар жол арманнан, нақты мақсаттан және оған жету жолындағы күнделікті еңбектен басталатыны атап өтілді.