5 қыркүйек күні «Отбасылық оқу» жобасы аясында Аманқарағай балалар кітапханасында «Отбасы сүйіспеншілікпен берік» атты отбасылық оқу байқауы өткізілді. Іс-шара барысында кітапханашы әдеби кейіпкер бейнесінде балаларға мерекенің тарихы туралы айтып, отбасылық құндылықтар мен туған-туыстарды біріктіретін ізгі дәстүрлер туралы әңгіме өрбітті.Шара қонақтары түрлі ойындарға, байқаулар мен викториналарға белсенді қатысты. Жас оқырмандар отбасы және отбасылық құндылықтар туралы жұмбақтарды шешіп, «Ең жылдам», «Көлік», «Біз – оқырманбыз», «Әнді тап», «Сурет бойынша тап», «Ертегілердегі сандар» атты викториналар мен байқауларға қатысты. Сонымен қатар «Ромашка» ойыны ұйымдастырылды.
Соңында қатысушылар отбасы – әр адам өміріндегі ең басты құндылық деген қорытындыға келді. Отбасында адам сүйіспеншілікті, қамқорлықты және өзара сыйластықты үйренеді.Отбасылық оқу байқауы ата-ана мен бала арасындағы байланысты нығайтып, кітап оқуға деген қызығушылықты арттыруға және отбасылық құндылықтарды дәріптеуге ықпал етті.