Әбдуов, М. Шешеннің сөзі ортақ [Мәтін] : жинақ / М. Әбдуов. -- Алматы : Тоғанай Т, 2024. -- 317, [2] б. : сурет.
Жинаққа Орталық Қазақстан өңірінде өмір сүрген би-шешендердің әдеби мұрасы енгізіліп отыр. Олардың есімдері мен шешендік сөздерінің бір бөлігі оқырманға мәлім болғанымен, көпшілік туындылары жарыққа шықпаған тың мұралар.

Есім, Ғ. Әйгілі есімдер [Мәтін] : эсселер кітабы / Ғ. Есім. -- Алматы : Sardar G, 2024. -- 435, [3] б.
Кітапта есімдері әйгілі тарихи тұлғалар, қаламгерлер, қоғам қайраткерлері сөз болған. Автор тұлғалардың басты-басты ойларын нысанаға алып, оларды заман сынынан өткізуді мақсат еткен.

Ысқақұлы, Д. Сөз -- әлем әміршісі немесе рухани күш-қуаттың қайнар көзі [Мәтін] / Д. Ысқақұлы. -- Алматы : Sardar G, 2024. -- 286, [1] б.
Кітапта Адам Ата жаралғалы бері адамзат қоғамын толғандырып келе жатқан «Адам не үшін өмір сүреді; өмірдегі мақсат не; қайткенде бақытты болады?» деген секілді сауалдар төңірегінде ой өрбітіп, оған қоғам дамуының, білім-ғылымның бүгінгі күн биігі тұрғысынан жауаптар іздейді.

Әлімжанов, Б. Өмір сырлары [Мәтін] : танымдық әдебиет / Б. Әлімжанов. -- Алматы : Тоғанай Т, 2024. -- 332, [4] б.
Адам өмірдің сан қырлы, алуан сырлы, мың бұралаң жолын қалай жүріп өтеді? Кімге сеніп, неден күш алады? Имандылық, адамгершілік пен пендешілік кемшіліктердің күресі туралы ой-толғамдары қызықты, тартымды.

Смайыл, А. Ұлт. Азамат. Намыс [Мәтін] : зерттеу мақалалар / А. Смайыл. -- Алматы : Тоғанай Т, 2024. -- 318, [1] б.
Халық пен заман, қоғам мен билік, адам және адамзат арасындағы байланыс туралы ой толғап жүрген қаламгер, осы мәселелерге өркениеттердің тарихи даму процесстері арқылы талдау жасайды.

Әбсадық, А. Ұлы Дала аңыздары (XIII--XVIII ғғ.) : Жошы ұлысы және Қазақ хандығы кезеңі [Мәтін] : фольклорлық, тарихи-филологиялық талдау / А. Әбсадық. -- Алматы : Тарпанбаева А. Ш., 2024. -- 295 б.
Қазақ аңыздарының хронологиялық тұрғыдағы қайнар бұлақ, кең суат арнасының бірі -- Шыңғыс хан заманы, Жошы ұлысы дәуірі. Тарих керуенің бел-белестерінен асып жеткен фольклорлық мұра мен мирас Қазақ хандығы тұсында өмір сүрген тұлғалардың, тарихи оқиғалардың мазмұнымен толысты және толықтырылды.

Қондыбай, С. Арғықазақ мифологиясы [Мәтін] : 2-бас., толықт. / С. Қондыбай ; құрст. Б. Қондыбай. -- Алматы : Арыс, 2024. -- 1040 б.
Бұл іргелі еңбекте ғалым сөздің, яғни қазақ тілінің ішкі мүмкіндіктерін пайдалана отырып, байырғы мифтік танымды реконструкциялау жолдарын қарастырады. Сондай-ақ еңбекте мифтану арқылы тарихымыздың бағзы кезеңдерінің хронологиялық ретін, даму қаңқа-жобасын болжамдауға талпыныс жасалады.

Байхонов, С. Ғажайып тұнған жер [Мәтін] : танымдық әдебиет / С. Байхонов. – Алматы : Тоғанай Т, 2024. – 509, [2] б.
Кең байтақ Қазақстанның шығысы мен батысын, оңтүстігі және солтүстік өңірлерін жай шарлап қоймай, суреткерлік көз, талғампаз көңілмен зерделей қарап, халқымыздың өткені мен бүгінін тарихи-танымдық тұрғыда үндестіріп, кестелі көркем тілмен өрнектей білген өзгеше тынысты шығарма кім-кімді де қызықтырып, көкейінен шығары күмәнсіз.

Моро, С. Аннапурнадан аққан жұлдыз [Мәтін] / С. Моро ; қазақ тіл. ауд. Т. Данияров ; итальян. тіл. орысшаға ауд. А. Имашева. – Алматы : ЖК «Тарпанбаева А. Ш.», 2024. – 104 б.
Бұл кітапта автормен бірге ызғарлы түндер мен дауылды күндерді бастан кешесіз, қар көшкінінің құрсауынан ғажайып жағдайда тірі қалып, бар күш-жігерін қамшылап, лагерге жете алмай келе жатқан кейіпкерге ілесе жалғыздық пен шарасыздықтың күйін кешесіз.

Раушанов, Е. Құстар-біздің досымыз [Мәтін] / Е. Раушанов. – Алматы : Жазушы, 2024. – 400 б. : суретті.
Жинаққа аққу, ақсұңқар, қарлығаш, ұлар тәрізді отызға тартар қанатты достарымыздың құпия сырларын ақындық шабытпен шалқыта әңгімелеген қызықты да тартымды танымдық хикаялары енді.

Зарлы, Қ. Інжу–маржан [Мәтін] : тарихи-танымдық ғылыми зерттеу хабарлары / Қ. Зарлы. – Алматы : Тоғанай Т, 2024. – 382, [1] б.
Қазақ радиосының тарихи-танымдық «Інжу-маржан» хабары негізінде жазылған кітап. Алпамыс батыр, Саңғыл би, Алатау батыр, Бердіқожа батыр, Баян Қасболатұлы, Райымбек батыр, Әжібай батыр, Мүйізді Өтеген батыр туралы бір хабардан бастап бес-алты хабарға дейін жасап, зерттеуші ғалымдар мен жыршыларды, қоғам, мемлекет қайраткерлерін қатыстыруы мазмұнын байыта түседі.

Батырхан, Т. Бозжайнақ болмыс [Мәтін] : эсселер, сұхбаттар мен публицистикалық ой-толғамдар / Т. Батырхан. – Алматы : ЖК «Сакенова», 2024. – 253, [2] б.
Бұл жинаққа көзі қарақты көпшілікке кеңінен танымал тұлғалар туралы эсселері, сырлы сұхбаттары, сондай-ақ қоғамдық ой-санаға қозғау салатын публицистикалық толғамдары топтастырылған.

Мұқашев, С. Жасынды жылдар [Мәтін] : мақалалар / С. Мұқашев. – Алматы : Тоғанай Т, 2024. – 333, [2] б.
Бұл кітапқа әр жылдары баспасөз бетінде жарық көрген, әлі күнге өзінің өзектілігін жоймаған публицистикалық мақалалары мен әдеби шығармалары кіріп отыр.

Мүсіреп, Ғ. Тоғызыншы территория [Мәтін] : мақалалар, сұхбаттар / Ғ. Мүсіреп. – Алматы : Тоғанай Т, 2024. – 316, [3] б.
Бұл жинаққа журналистің танымдық, сараптамалық жарияланымдары топтастырылған. Публицистикалық туындылар тәуелсіздік жылдарындағы еліміздің рухани және саяси қалыптасу кезеңін, ұлттық құндылық ерекшелігін, тарихи тұлғалар болмысын, тарихи тамырлар сабақтастығын қамтиды.

Сейітқазы, П. Медиапедагогика: БАҚ, білім және тәрбие [Мәтін] / П. Сейітқазы. – Алматы : Sardar G, 2024. – 260, [3] б.
Еңбекте педагогика саласындағы жаңа бағыт – медиабілім мәселелері туралы баяндалады. Медиасауаттылық, медиамәдениет, цифрлық сауаттылық ұғымдары жан-жақты талданады.

Бөпежанова, Ә. Мәдениет – әлемнің тірегі [Мәтін] : Ой-толғамдар, сұхбаттар кітабы / Ә. Бөпежанова. – Алматы : Тоғанай Т, 2024. – 588, [3] б.
Бұл кітапта қоғамымыздың соңғы отыз жылдан аса уақыт аралығындағы рухани тынысы, әдебиет пен өнердегі үдерістер зерделенеді. Сыншы көрнекті әдебиет, өнер, қоғам қайраткерлерімен ұлт руханиятының өзекті мәселелерін мәдени контексте сөз ететін қызғылықты сұхбаттары берілген.

Иманғалиев, Б. Нарком Темірбек Жүргенов [Мәтін] / Б. Иманғалиев. – Алматы : Sardar G, 2024. – 294, [1] б.: сурет.
Бұл еңбекте Қазақстан мен Орта Азия республикаларындағы мәдениет пен әдебиет, оқу-ағарту саласының өркендеуіне өлшеусіз үлес қосқан көрнекті мемлекет және қоғам қайраткері, сыншы-публицист Темірбек Қараұлы Жүргеновтің жазған әдеби-публицистикалық мұрасы жинақталып, қайраткерлік-қаламгерлік қарымы сараланған.

Бопайұлы, Болат. Қазақ ырым-ғұрыптары [Мәтін] / Б. Бопайұлы. – Астана : Фолиант, 2024. – 64 б. - (Қазақ қазынасы).
Ұлтымыздың ырым-ғұрыптары – көнеден келе жатқан асыл мұра. Оның әрқайсысында терең мән жатыр. Адамды үлкен-кіші деп бөлмей, ішкен асы мен басқан тасына дейін – бәрін бірдей құрметтеп-қастерлеген халқымыздың даналығы осы ырым-ғұрыптарымыздан байқалады.

Жеңіс Туын желбіреткен – Рақымжан Қошқарбаев [Мәтін] : фотоальбом / [құраст. Ә. Көпіш ; басылымға қажетті фотосуреттерді, мұрағаттық деректемелер мен жарияланымдарды жинақтап баспаға ұсынған – Қ. Оспанова ; отбасылық құжаттары мен фотосуреттерін ұсынған – Ә. Қошқарбаева] – Алматы : Өнер, 2024. – 238 б.: сурет. - (Халық перзенті).
Қазақ халқының Қаһарман Перзенті – Рақымжан Қошқарбаевтың 100 жылдығына арналған бұл фотоальбомда біз – еліміздің көне қазыналарын бұрыннан терең зерделеп, жинақтап келе жатқан – республикалық «Өнер» баспасы болып, барынша зор мән беріп – Батырдың жеке Тұлғасы мен Тағдыры арқылы көне бабалар жортқан заманалармен бірге біздің осы – ХІХ, ХХ, ХХІ ғасырларға дейінгі Тарихи Ақиқат жолын бүгінгі оқырман қауымға анықтап жеткізуге тырыстық.

Сағадат Нұрмағамбетов – Халық Каһарманы №1 [Мәтін] : фотоальбом : 100 жылдық мерейтойына арналған / [құраст. А. С. Нурмагамбетова ; ауд. Ә. Аусатов] – Алматы : Алтын кітап, 2024. – 365, [2] б.: сурет.
Қазақстан Республикасының Бірінші қорғаныс министрі, Кеңес Одағының батыры, армия генералы Сағадат Қожахметұлы Нұрмағамбетовтің 100 жылдық мерейтойына арналған.

Айдарбаев, Ж. Ұлан дала [Мәтін] / Ж. Айдарбаев. – Алматы : ЖК Сакенова, 2024. – 286, [1] б.
Бұл еңбек – тарихтың тылсым қойнауында бір жайларда жер бетінен өшіп кетіп, ғайыптан қайта шығып «Мәңгі ел» асқақ арманын көкке ту етіп көтерген сол бір заманның көкжалдары – «ашына» көк түріктері жайлы тұңғыш қалам тербеліп отырған толғаныс.

Киндлер, Р. Сталиндік көшпенділер. Қазақстан билігі және ашаршылық=Stalins nomaden: Herrschaft umd hunger in Kasachstan [Мәтін] / Р. Киндлер ; ауд. Ө. Ахмет. – Астана : Фолиант, 2024. – 432 б.
Бұл кітап нақты тарихи деректерге сүйеніп жазылған, автор Ресейдің, Қазақстанның, Еуропаның архивтерін түгел ақтарып, осы тақырыптағы ғылыми еңбектер мен әдеби көркем шығармаларды да назарынан тыс қалдырмайды.

Қойшыбаев, Б. Тәуелсіздік һәм зиялылар [Мәтін] : тарихи миниатюралар, зерттеулер, мақалалар, сұхбаттар / Б. Қойшыбаев. – Алматы : Тоғанай Т, 2024. – 365, [2] б.: фотосурет.
Кітапта өткеніміздің белгілі-бір кезеңдеріндегі мәселелер жайлы уақытында қағаз және электронды бұқаралық ақпарат құралдары беттерінде жария еткен зерттеулері, тарихи миниатюралары, публицистикалық мақалалары, дөңгелек үстел материалдары, журналистердің сауалдарына берген жауаптары топтастырылған.

Шарапатұлы, Ш. Тынышпаев Мұхамеджан [Мәтін] : Қазақ халқының тарихы / Ш. Шарапатұлы ; [алғысөз Н. О. Дулатбеков, өмірбаяндық мақала: Ә. Тәкенов, Б. Байғалиев] – Қарағанды : TENGRI Ltd, 2024. – 263 б.
Жинаққа қазақ халқының қайраткер ұлы, қазақ тарихының, мәдениетінің, тұрмысының және қазақ рулары шежіресінің ірі білгірі, 1937 жылы репрессияға ұшыраған М. Тынышпаевтың кейбір көсемсөздері, ғылыми еңбектері мен өлкетану зерттеулері кіріп отыр.

Табеев, Қ-М. Ең соңғы майдан [Мәтін] / Қ-М. Табеев. – Қарағанды : TENGRI Ltd, 2024. – 395 б.
Бұл кітапта өр кеуделі қазақтың Желтоқсандағы ұлы күрескерлік рухы суреттелумен қатар, Шаңырақ, Жаңаөзен, Қордай, Алматыдағы Қаңтар оқиғаларының арасындағы көзге көрінбейтін ортақ байланыстар да қамтылады.

Момынқұл, Б. Момышұлы әлемі [Мәтін] / Б. Момынқұл. – Алматы : Sardar G, 2024. – 142, [1] б.
Бұл кітаптан ел арасында батыр жайлы айтылып жүрген аңыздардың ақиқатын, тарих бедерінде жұмбақ күйінде қатталып қалған жайттардың нақты жауабын таба аласыздар.

Сыздықов, С. Қарқаралы ұлы дала тарихында [Мәтін] : ғылыми-танымдық басылым / С. Сыздықов. – Астана : Фолиант, 2024. – 256 б.
«Қарқаралы» атауының қалыптасуы, этимологиясы және аталған өңірді көне дәуірден бері мекен етіп, кейін қазақ халқының қалыптасуына өз үлесін қосқан түркі ру-тайпалары туралы зерттеулерінің нәтижелері баяндалған.

Ғалым Оспанов=Галым Оспанов=Galym Ospanov [Мәтін] : альбом-каталог. – Алматы : Liber, 2024. – 96 б. : ил.
Сүйікті жанры – натюрморт. Оның кенептерінде заттар әртүрлі жолмен: факті ретінде, елес ретінде, абстракция ретінде өмір сүреді.

Батырханова, С. Арқаның абыз театры [Мәтін] : С. Сейфуллин атындағы Қарағанды облыстық академиялық қазақ драма театры / С. Батырханова. – Алматы : Тарпанбаева А. Ш., 2024. – 295 б.
Бұл кітаптан қазақ атты байтақ даланы мекендеген, сол ұлы даланың өзін сахнаға айналдырған табиғатынан өнерлі халықтың кенжелеп келген театр өнері қалай дамыды, оның бастауында кімдер тұрды деген сауалдарға жауап табасыз.

Әбдірахман, Г. Ғазиза Жұбановаға тағзым=Hotage to Gaziza Zhubanova [Мәтін]: ғылыми-деректі портрет / Г. Әбдірахман , Ү. Жұмақова; [ауд.: П. Шегебаев, Л. Бекболатова] – Алматы : Sardar G, 2024. – 220 [2] б. : фотосурет.
Қазақтың көрнекті композиторы Ғ. Жұбанованың шығармашылығы туралы кітапта оның өмірінің жалпы көркемдік-эстетикалық ұстанымы мен кезеңдері негізгі оқиғаларымен, шығармашылық жетістіктерімен сипатталған.

Айтбаев, Қ. Сал домбыра [Ноталар] / Қ. Айтбаев. – Алматы : Тарпанбаева А. Ш., 2024. – 167 б.
Бұл еңбекке зерттеушінің әр кезде жазған ғылыми-танымдық мақалалары енді. Мақалаларда автор дәстүрлі өнердің қыр-сырына бойлап, өзекті мәселелерді қозғайды.

Бейсембек, Т. Ерке самал [Ноталар] : Балаларға арналған әндер жинағы / Т. Бейсембек. – Алматы : Тарпанбаева А. Ш., 2024. – 133, [2] б.
Бұл жинаққа Т. Бейсембектің балаларға арналған әндері және оның «Самұрық келген таң» және «Ерке лақ» атты балалар операларынан үзінділері топтастырылған.

Нұрекеев, С. Қазақтелефильм : киножылнама [Мәтін] / С. Нұрекеев ; [құраст.-авт. Қ. Тұрсын] – Алматы : Тарпанбаева А. Ш., 2024. – 277, [2] б.: фотосурет.
Автор бұл жинақта өткен тарихты елеусіз қалдыру, уақытты соза берудің қисынсыздығын сезініп, қолдағы бар құжаттарды әрі өзі білетін режиссер-операторлар еңбектерін жинастырып, әріптестерден сұрастырып, осы еңбекті даярлады.

Сақай, Қ. Күміс қоңырау [Ноталар] : балаларға арналған әндер жинағы / Қ. Сақай ; [алғы сөзі Т. Қажыбаев] – Алматы : Тарпанбаева А. Ш., 2024. – 165, [2] б.
Кітапқа елу бір ән іріктеліп алынған, композиторы Құрметтің өзі болғанымен өлең текстерінің иелері сан алуан. Жобасы, балалар әдебиетін игеру қанша күрделі де құрметті болса, сол балалардың айтуына орайлы, мән-мағынасы ұғынықты, түсінуге жеңіл.

Хумарзах, А. Моңғолия қазақтарының сыбызғышылық өнері [Мәтін] / А. Хумарзах , А. Байтан. – Алматы : Тарпанбаева А. Ш., 2024. – 173, [2] б.
Аталған кітапта Моңғолия қазақтарының сыбызғышылық өнері туралы қарастырылды. Соның ішінде Баян-Өлгий сыбызғышыларының өмірі мен шығармашылығы туралы кеңінен баяндалды.

Әшімұлы, А. Актермін мен мың өліп, мың тірілген [Мәтін] / А. Әшімұлы. – Алматы : Дәуір, 2024. – 255 б.
Кітаптың негізгі арқауы – даңқты өнерпаздың ой-толғаныстары, көзқарастары. Кең тыныстап, терең толғаудың арасында аптығын басып, кітаптың тұздығы тәрізді қысқа қайырымдарға көшеді.

Оразалин, Н. Биіктік [Мәтін] : мақалалар, эссе, толғаныстар / Н. Оразалин. – Алматы : Алматы-Болашақ, 2024. – 429, [2] б.
Бұл кітапқа Абай, Махамбет, Сүйінбай, Шәкәрім, Ә. Бөкейханов, М. Әуезов, С. Мұқанов, Ғ. Мүсірепов, Б. Момышұлы, т.т. уақыт, ұлт биігіне көтерілген тұғырлы тұлғалар туралы мақалалары мен эссе-толғаулары еніп отыр.

Оразалин, Н. Кеңістік [Мәтін] : мақалалар, эссе, толғаныстар / Н. Оразалин. – Алматы : Алматы-Болашақ, 2024. – 469, [2] б.
Бұл кітапқа автордың М. Мақатаев, О. Сүлейменов, Ш. Мұртаза, Ә. Кекілбаев, Т. Молдағалиев, Ф. Оңғарсынова, Қ. Ысқақ, Ә. Тарази, Н. Жақыпбай, т.т. секілді ұлттың рухани көкжиегін кеңейткен тұлғалар мен замандастарымыз туралы мақалалары және эссе-толғаулары еніп отыр.

Жылқыбаева, Ш. Күнекейдің елінде [Мәтін] : әдеби зерттеулер, көркем публицистика, сұхбаттар / Ш. Жылқыбаева. – Алматы : Тоғанай Т, 2024. – 777, [5] б.
Бұл кітапқа автордың ежелгі жапон мәдениетінің бастаулары мен бүгінгі даму белестері туралы зерттеу мақалалары енгізілген.

Уайсова, А. Ойтұмар [Мәтін] / А. Уайсова. – Алматы : Sardar G, 2024. – 229, [2] б.
«Зар заман ақыны» Шортанбай мұрасының зерттеушісі, Ақпарат саласының үздігі журналист А. Уайсованың бұл жинағында мерзімді баспасөзде жарияланған мақалалары мен еліміздің белгілі тұлғаларымен болған сұхбаттар топтастырылды.

Шәріп, А. Егеулі қалам [Мәтін] / А. Шәріп. – Алматы : Sardar G, 2024. – 365, [2] б.
Кітапта автордың әр жылдарда жазылған ғылыми-көпшілік тақырыптағы мақалалары мен эсселері топтастырылған. Кітап үш бөлімнент тұрады.

Қамзабекұлы, Д. Арайна [Мәтін] : зерттеулер мен мақалалар, сұхбаттар / Д. Қамзабекұлы. – Алматы : Тоғанай Т, 2024. – 523, [3] б.
Кітаптың ішіндегі қай зерттеуі мен мақаласын тілге тиек етсек те, Тәуелсіздіктен кейінгі қоғамдық-саяси, мәдени өміріміз бен руханият әлемімізге дендеп енген жаңалық, өзгерістер ағымына ілесе жазылған айтары анық, толғақты дүниелер.

Батыр, Н. Сөз – мінез [Мәтін] : әдеби сын, сұхбаттар мен новеллалар / Н. Батыр. – Алматы : Тоғанай Т, 2024. – 379, [3] б.
Бұл жинақ әдебиет саласында қалам тартып жүрген жас сыншының алғашқы таңдамалысы. Кітапқа әдеби сын мақалалар, сұхбаттар мен новеллалар топтастырылған.

Сарбалаұлы, Б. Азаттықты аманаттап [Мәтін] : әдеби сын эсселер / Б. Сарбалаұлы. – Алматы : Тоғанай Т, 2024. – 349, [1] б.
Кітап классик жазушымыз Ғ. Мүсірепов туралы өзіндік ой қозғап, К. Тоқаев, Г. Бельгер, Қ. Салғара, С. Балғабаев, Қ. Түменбай сынды он алты танымал тұлғалардың шығармашылық туындыларын саралаған сын эсселерінен тұрады.

Рамазанова, Ш. Сөз сарасы [Мәтін] : ғылыми зерттеулер / Ш. Рамазанова. – Алматы : Sardar G, 2024. – 293, [1] б.
Бұл жаңа кітап үш тараудан тұрады. Еңбектің жаңалығы мол, ғылыми сипаты басым, жеңіл оқылады.

Әбсадық, А. Алаш жолы және Ахмет Байтұрсынұлы [Мәтін] : ғылыми зерттеулер / А. Әбсадық. – Алматы : Тоғанай Т, 2024. – 302, [1] б.
Кітап ағартушы ұстаз, қазақ халқының рухани көсемі А. Байтұрсынұлының шығармашылық, ғұмырнамалық бел-белестерін, қайраткерлік тұлғасын отандық және шетелдік архивтік мұрағат, жеке мұрағаттар, өлкетанушылық мағлұматтар және экспедициялық материалдар негізінде зерделейді.

Әлімжанов, Б. Елдік пен Ерлік сырлары [Мәтін] : танымдық мақалалар, естеліктер, сұхбаттар / Б. Әлімжанов. – Алматы : Тоғанай Т, 2024. – 461 б.
Б. Т. Әлімжановтың кезекті кітабы айтары мол, танымдық дерегі мен дәйегінің аясы кең мақалалар мен ескірмейтін және әр жылдарда берген сұхбаттарынан тұрады.

Кемелбаева, А. Салхар [Мәтін] : эсселер, мақалалар, сұхбаттар / А. Кемелбаева. – Алматы : Тоғанай Т, 2024. – 334, [1] б.
Автордың «Мәжнүн жүрек», «Сөз хикмет», «Папирус» атауымен бұрын жарық көрген жинақтарына әр жылдарда республикалық баспасөз бетінде жарияланған эсселері мен әдеби портреттер, сұхбаттары енсе, бұл кітап жанры жағынан солардың рухани жалғасы болып табылады.

Нугуманова, А. 100 өнер қыраны [Мәтін] : зерттеу мақалалар / А. Нугуманова. – Алматы : Тоғанай Т, 2024. – 333, [2] б.
Кітапқа басы көне ғасырда өмір сүрген Қорқыт, ХІІ ғасырда Кетбұға, ХІV-XV ғасырларда Асан Қайғыдан бастау алса, одан кейін Ақтамберді, Бұқар жыраулар мен Махамбет, Тәттімбет, Сегіз сері, Құрманғазымен жалғасып, әйгілі өнер тарландарының соңы Нартай, И. Байзақов, Ш. Айманов, Н. Тілендиев, М. Мақатаевпен аяқталады.

Негимов, С. Абайдың даналығы [Мәтін] : монография / С. Негимов. – Алматы : Дәуір, 2024. – 271 б.
Кітапта қазақ жазба әдебиетінің негізін қалаушы, ойшыл, хакім, композитор, ұлт қайраткері Абайдың шығармашылық өнернамасы – көркемдік, пәлсапалық, ғылыми дүниетанымы тарихи-филологиялық тұрғыдан сараланып зерделенді.

Қожахметов, Қ. Таланты – ерек, табиғаты – бөлек [Мәтін] / Қ. Қожахметов. – Алматы : Тарпанбаева А. Ш., 2024. – 357, [1] б.
Жазушының шығармаларына, ізденістеріне байланысты өткен ғасырдың жетпісінші жылдарынан бастап бүгінге дейін сан алуан басылым беттерінде жарияланған ірілі-ұсақты дүниелер, арнау өлеңдерге шейін мұқияттылықпен ұсынылған.

Файзолла, А. Теңізден тамшы [Мәтін] : әдеби-танымдық мақалалары мен зерттеулер / А. Файзолла. – Алматы : Дәуір, 2024. – 188 б.
Кітапта әдеби-танымдық мақалалары мен зерттеулері енген. Онда ағылшын, француз, жапон, орыс, неміс, америкалық, ирландиялық т.б. қаламгерлердің романдарын, повестерін, әңгімелерін талдайды.

Тарақов, Ә. С. Адамзаттың ақыны – ақиқаты [Мәтін] : монография / Ә. С. Тарақов. – Алматы : Дәуір, 2024. – 366 б.
Кітапта ХХ ғасырдағы қазақ поэзиясының классигі, ұлы ақын М. Мақатаевтың шығармашылығы әлемдік әдебиет деңгейінде талданып, сарапталады.

Рсалиева, Н. Көркем аударманың келелі мәселелері [Мәтін] : (І. Есенберлиннің «Көшпенділер» трилогиясының орыс және ағылшын тілдеріндегі аудармаларының негізінде) / Н. Рсалиева. – Алматы : Sardar G, 2024. – 253, [2] б.
Бұл еңбекте І. Есенберлиннің «Көшпенділер» трилогиясының орыс тіліндегі аудармасы және орыс тілі арқылы жасалған ағылшын тіліндегі нұсқасы Кеңестік отарлау саясатының ықпалымен бұрмаланғаны айтылады.

Оңғарсынова, Ф. Таңдамалы [Мәтін] : өлеңдер жинағы / Ф. Оңғарсынова ; [алғы сөзі М. Құлкенов] – Алматы : Сардар, 2024. – 575 б.
Ақынның бұл таңдамалы жинағы – тұтас бір тарихи-әдеби дәуірдің идеялық-көркемдік бейнесін жан-жақты сомдаған рухани құндылығымыз. Ф. Оңғарсынованың сонау 50-ші жылдардан бастап, әр жылдарда жазған сыр-толғанысқа толы поэзиялық шығармалары енген.

Жұмат-Әлмашұлы, Ж. Сөз жүрегі [Мәтін] : Көңіл кеңістегіндегі жазбалар / Ж. Жұмат-Әлмашұлы. – Алматы : ЖК «Сакенова», 2024. – 292, [2] б.
Кезекті танымдық жинақ екі бөліктен тұрады. Алғашқысы – «Ой кітабы», екіншісі – «Өмір кітабы» деп аталған. Қаламгердің оқырманды ойландырар әрқилы пікірлері жинақталған.

Медетбек, Т. Қайран өмір [Мәтін] : көркем шығармалар жинағы / Т. Медетбек. – Алматы : ЖК «Сакенова», 2024. – 285, [2] б.
Бұл көркемдік шығармалар жинағына автордың өз өмірі туралы, ата-бабалары, ұстаздары және елімізге еңбегі сіңген қайраткерлер мен ақын-жазушылар жайлы жазбалары енгізілген.

Соғыстан соң туғандар [Мәтін] : өлеңдер жинағы / [құраст. Ғ. Қалибекұлы] – Алматы : Дәуір, 2024. – 575 б.
Ғасырлы тарихы бар республикалық «Жұлдыз» әдеби журналында «Соғыстан соң туғандар» айдарымен біраз жыл елге танымал ақындардың өлең жырлары үздіксіз жарияланып келген болатын. Сол дүниелердің дені осы жинаққа топтастырылды.

Айғалиев, Е. Ажал аралының тұтқыны [Мәтін] : хикаят, эссе-роман, қос арналы тарихи роман / Е. Айғалиев. – Алматы : Дәуір, 2024. – 417, [6] б.
Автордың бұл жинағына – «Ажал Аралының тұтқыны» атты хикаяты мен «Сарайшық ханшасы және Иван Грозный» қос арналы тарихи романы еніп отыр.

Қуантаев, Н. Балкон [Мәтін] : әңгімелер / Н. Қуантаев. – Алматы : Дәуір, 2024. – 246 б.
«Балкон» жинағы автордың өзінің шығармаларынан және өзі тәржіма жасаған шетел жазушыларының новеллаларынан тұрады. Белгілі прозашының осы кітапқа енген он сегіз әңгімесі – оқырманын баурап алатын, көркемдігі жоғары шығармалар.

Дулатов, М. Бақытсыз Жамал [Мәтін] : Роман. Әңгімелер. Өлеңдер / М. Дулатов. – Астана : Фолиант, 2024. – 204 б.
Қаламгер өзі өмір сүрген қоғамның өзекті мәселелерін, халықтың әлеуметтік жағдайы мен психологиялық күйін шебер суреттейді. Қай шығармасы да сол заманның шынайы келбетін көрсетеді.
Бұл жинаққа «Бақытсыз Жамал» романы, әңгімелері мен өлеңдері еніп отыр.

Ахметова, З. Жетілік ұғым [Мәтін] / З. Ахметова. – Алматы : Атамұра, 2022. – 144 б.
Әдетте, жеті қазына жайлы естіп жүргенімізбен, жалпы, қазақтың жетілік ұғымы туралы толық жазылмаған екен. Автордың бұл кітабының ерекшелігі де осында.

Нұржеке-ұлы, Б. Таңдамалы шығармалары [Мәтін] / Б. Нұржеке-ұлы. – Алматы : Жалын, 2024. – 766 б.
«Әр әйелдің өмірі бір-бір кітап екені де рас. Әр баласының дүниеге келуінің өзі бір-бір хикаяға татиды. Әйелге қызықпайтын, әйелге сөз арнамайтын еркек болмайды. Бірақ солардың бәрі әйелдің бағасын біле бермейтіні де шындық» – деп түсінетін жазушының бұл кітабына таңдаулы екі романы енгізілді.

Амантай, Д. Пұт-кітап [Мәтін] : хикаяттар, роман / Д. Амантай. – Алматы : Дәуір, 2024. – 335 б.
Кітапқа автордың «Пұт-кітап», «Біреудің өмірі» деген және басқа да жаңа хикаяттары, сондай-ақ «Бақыт биохимиясы» атты романы енді.

Ихсан, А. Зор Білгамеһәм Қорқыт Аташ [Мәтін] : драмалық шығарма / А. Ихсан. – Алматы : Керемет медиа, 2024. – 328 б.
Пьесаға өзек болған «Гильгамеш» поэмасы. Автор Энкидуды Қорқыт Атамен ауыстыру арқылы жалпы түркіге ортақ дүниетанымды, түркілер философиясын шығарма арқауына айналдырып, идеясына қызмет еткізеді.

Асан, М. Жан терезесіндегі жарық [Мәтін] : жыр кітабы / М. Асан. – Алматы : «Сардар» баспа үйі, 2024. – 288 б.
Аталған жинақта қалам иесі адам жанының терең қатпарларына үңіліп, сезімнің нәзік иірімдеріне батыл бойлайды. Автор сондай-ақ өзінің азаматтық үнін ашық танытып, жаңашыл жас буынды отаншылдыққа, елдікке шақырады.

Қайранбаев, Қ. Жүрегіме тіл бітсе... [Мәтін] : өлеңдер мен толғаулар / Қ. Қайранбаев. – Алматы : Дәуір, 2024. – 240 б.
Жаңа жыр жинағына негізінен ақынның кейінгі жылдары жазылған шығармалары топтастырылып отыр.

Әбдікұлы, Т. Таңдамалы [Мәтін] : үш томдық. Т. 2 : Роман. Пьесалар. Әңгімелер / Т. Әбдікұлы. – Астана : Фолиант, 2024. – 480 б.
Бұл роман қазақ даласындағы коллективтендіру кезеңін баяндайды. Шығармада аумалы-төкпелі шақтағы таптық күрестің шиеленісе дамуы шынайы көрініс тапқан, кейіпкерлер де дара, табиғи болмыстарымен есте қалады.

Берікқажыұлы, Д. Барельеф [Мәтін] : өлеңдер жинағы / Д. Берікқажыұлы. – Алматы : Керемет медиа, 2024. – 184 б.
«Барельеф» – Дәурен Берікқажыұлы шығармашылығының панорамасы іспеттес кітап. Мұнда жеке индивидтің жарты ғасырлық өткен өмір жолы ғана емес, жалпы социумның тәуелсіздік алғаннан кейінгі көңіл ауаны да бар.

Жағыпарұлы, Ж. Қыз қыран [Мәтін] : хикаяттар мен әңгімелер / Ж. Жағыпарұлы. – Алматы : Керемет медиа, 2024. – 176 б.
Бұл кітапқа белгілі жазушы-публицист Жылқыбай Жағыпарұлының әңгімелері мен хикаяттары, «Ақмола көтерілісі» атты естелік эссесі енгізілді.естелік эсседе автор өз басынан өткен оқиғаларды баяндайды.

Әбдірайым, Т. Түнгі жол [Мәтін] : әңгімелер / Т. Әбдірайым. – Алматы : Керемет медиа, 2024. – 216 б.
Бұл кітапқа соңғы жылдары жазған әңгімелері еніп отыр. Шығармаларының оқиғасы қызықты. Бүгінгі замандастарымыздың жан әлемін толғандырып жүрген қадау-қадау мәселелерді әр жақтан қозғап, ұрымтал да ұтымды деталь, диалогтар арқылы оқырман қауымға ұсынып отыр.

Мұқай, Ө. Көлеңке [Мәтін] : хикаяттар мен әңгімелер жинағы / Ө. Мұқай. – Алматы : Дәуір, 2024. – 271 б.
Автордың бұл жинағында үш хикая мен әңгімелері біріктірілген. Өзгермелі уақыт инерциясын оқырман жылдам аңғарады. Ол дегеніңіз, қазақ қоғамындағы диалектиканың деректі айғағы.

Ыбырайымұлы, Ә. Ақылға атой [Мәтін] : роман / Ә. Ыбырайымұлы. – Алматы : Дәуір, 2024. – 367 б.
Шығарма оқиғасы шиырлы әрі қазіргі заманғы кейіпкерлердің бейнесі сомдалған. Америкалық астронавт ғұлама Абайдың философиялық ойларын оқығанда, хакімнің жан дүниесіне ерекше құлқы ауады.

Аймағамбет, А. Білте шамның жарығы [Мәтін] : көркем шығармалар жинағы / А. Аймағамбет. – Алматы : Керемет медиа, 2024. – 224 б.
Жазушының бұл кітабына «Құрбанәлінің құдіреті», «Жазушы», «Жүлдегер», «Садақа», «Директор», «200 доллар» және басқа да әңгімелері мен «Миллионыншы тұрғын» повесі енгізіліп отыр.

Мәмет, С. Жалқы жан [Мәтін] : хикаяттар, әңгімелер, эсселер / С. Мәмет. – Алматы : Дәуір, 2024. – 368 б.
Кітаптың негізгі тақырыбы – арғы жылдардағы, қиын-қыстау тұстағы аналар шекке тағдыр тауқыметі, одан бергі өтпелі кезеңнің көріністері алуан түрлі кейіпкерлердің болмыс-бітімімен баяндалады, адам тағдыры, оның өскен ортасы жан-жақты сөз болады.

Балтабаева, Г. Оралхан шыңы [Мәтін] / Г. Балтабаева. – Алматы : Керемет медиа, 2024. – 184 б.
Бұл кітапта қазақ әдебиетіне өзіндік ерекше өрнегін қалдырған жазушы О. Бөкейдің прозалық туындылары бүгінгі күн тұрғысынан пайымдалып, қаламгер прозасындағы өзгеше өрнек пен өрелі ойдың мән-мазмұнын ашуға, бүгінгі заманның көкейкесті мәселелері ұлттық құндылықтар тұрғысынан қандай көркемдік шешім тапқанын анықтауға бағытталып отыр.

Үсенбаев, Б. Мезет [Мәтін]: Жыр кітабы / Б. Үсенбаев. – Алматы : Керемет медиа, 2024. – 216 б.
Жырсүйер қауымның ыстық ықыласына бөленген қаламгер оралымды ой, тегеурінді түйін, нәзік сезімге құрылған лирикалары арқылы адам жанының жұмбақ қырларын тап басып, ой толғаныстарын әдемі мәнермен жеткізеді.

Смайылов, Ә. Құс жолында біреу жүр жоқ қараған [Мәтін] : жыр кітабы / Ә. Смайылов. – Алматы : Керемет медиа, 2024. – 160 б.
Ақынның бұл жыр жинағына әр жылдары, әр кезеңде жазылған өлеңдері мен поэмалары енді. Өткен ғасырдың аяғы мен жаңа ғасырдың басын қамтитын туындылардан ескі заманның сипатымен қатар жаңа қоғамның кескін-келбетін де жазбай тануға болады.

Бейсенова, Ш. Мына жарық дүние [Мәтін] : хикаяттар мен әңгімелер жинағы / Ш. Бейсенова. – Алматы : Дәуір, 2024. – 279 б.
Жазушының бұл кітабына алуан сипатты кейіпкерлер тағдырын арқау еткен хикаяттары мен әңгімелері және мөлтек әңгімелер топтамасы жинақталған.

Досаев, Д. Ұлы даланың өр ұландары [Мәтін] : естеліктер, әңгімелер, мақалалар / Д. Досаев. – Алматы : Дәуір, 2024. – 206 б.
Кітапқа автордың өзі көрген, естіген жайларынан жазған естеліктері, мақалалары және бірнеше шағын әңгімесі енген.

Түменбаев, Қ. Қырмандағы қара торғай [Мәтін] : хикаяттар мен әңгімелер / Қ. Түменбаев. – Алматы : Дәуір, 2024. – 366 б.
Белгілі қаламгердің жаңа жинағына хикаяттары мен әңгімелері топтастырылған. Жинақтағы шығармалар мазмұндылығымен және жаңалығымен ерекшеленеді, бүгінгі күн мәселелерін алға қойып, суреткерлік шеберлігін танытқан.

Райыс, Б. Жаны жарық жұлдыздар [Мәтін] : өлеңдер, поэмалар / Б. Райыс. – Алматы : Алматы-Болашақ, 2024. – 224 б.
«Ахметтің айыбы» поэмасы Алаш арысының өнегелі өміріне арналса, «Кермененің кемелденуі» поэмасы ғылым мен ар жолы тұтастығының адамзат үшін маңызы жөнінде сыр аңғартады.

Аманов, Колан. Үрей [Мәтін] : деректі-көркем роман / К. Аманов. – Алматы : Балауса, 2024. – 280 б.
«Үрей» – өмірбаяндық роман. Автор өзінің өмірлік сынақтары мен тәжірибелерінің объективі арқылы қазақ халқының үлесіне түскен нақты оқиғаларды, апаттар мен азаптарды сипаттайды.

Ахматова, А. Жарылыс [Мәтін] : өлеңдер / А. Ахматова ; [ауд. А. Ақынбаба] – Алматы : Дәуір, 2024. – 123, [4] б.
Аталған кітаптағы ақынның азаматтық, махаббат, табиғат, қоғамдық-саяси ірі тақырыптарда қалам тербеген туындыларынан тек өз тағдырын ғана емес, жалпы ХХ ғасырдың бірінші жартысындағы қоғам мен шығармашылық тұлғалардың, халықтың басынан өткен оқиғалардың тұтастай поэтикалық картинасын көруге болады.

Жақыбаев, Ә. Туған жер – құдіретті құт мекенім [Мәтін] : өлеңдер, толғау, дастан, танымдық әңгімелер / Ә. Жақыбаев. – Алматы : Дәуір, 2024. – 390 б.
Кітапқа өмірін ұстаздық жолына арнаған автордың өлеңдері, толғау, дастан және өзі өскен ортаға қатысты жер-су атаулары жөніндегі танымдық әңгімелері енді.

Сәукетаев, Т. Жаутерек [Мәтін] : әңгімелер мен хикаяттар / Т. Сәукетаев. – Алматы : Дәуір, 2024. – 368 б.
Кітапқа енген повестер мен әңгімелердің тақырып аясы кең. Шығармалардың оқиғасы қызықты, шиыршық атқан ішкі динамика, тәтті мұң, жылы юмор қат-қабат өріліп, оқушыны жалықтырмай жетелеп отырады.

Айдабосын, Е. Қасқыр ішік [Мәтін] : әңгімелер мен хикаяттар / Е. Айдабосын. – Алматы : Керемет медиа, 2024. – 240 б.
Жазушы жетісулық өнерпаздар тақырыбына қалам тартып жүр. Жетісу күй мектебінің қос діңгегі Байсерке мен Қожекенің қилы тағдыры жайлы хикаят жазған автор Кенен Әзірбаевтың балалық шағы туралы «Бозторғай шырылы» деген туындыны өмірге әкелді. Бұл кітапқа осы үш хикаят та еніп отыр.

Иран-Ғайып (Иранбек Әбітайұлы Оразбаев) Мәңгілік елдің алтын адамы [Мәтін] : драмалық дастандар, трагедия / Иран-Ғайып (Иранбек Әбітайұлы Оразбаев) – Алматы : Дәуір, 2024. – 343 б.
Ақынның «Мәңгілік Елдің Алтын Адамы» атты кітабына, оның бұрын-сонды туған жері, өскен елі жайлы жазылған соны драмалық туындылары енгізілді...

Саматұлы, Н. Шеңгелдің шешек атуы [Мәтін] : әңгімелер мен эсселер / Н. Саматұлы. – Алматы : Керемет медиа, 2024. – 240 б.
Кітапқа жазушының әңгімелері мен эсселері топтастырылған. Кейіпкерлері осы күнгі ауыл мен қаланың адамдары. Олардың сан алуан мәселелері өмір шындығы ретінде көркем прозаға айналған.

Мұқаш, Қ. Айдидар=Лучезарный [Мәтін] : роман-эссе / Қ. Мұқаш. – Алматы : Дәуір, 2024. – 368 б.
Автор кейіпкердің бейнесін күрделі тағдырмен, оның іс-әрекеттері мен қадамдары, сондай-ақ олардың жанында болған батыл серіктестердің бейнелері арқылы баяндайды. Еңбек тосын тұжырымдар мен көпшілікке беймәлім тың деректерге бай.

Қалаубай, Б. Нөсерлі күрен күз еді [Мәтін] : детектив-повесть / Б. Қалаубай. – Алматы : Керемет медиа, 2024. – 224 б.
Детектив жанрында жазылған жазушының повесінде сан қырлы оқиғалар өрісі қызықты өрілген. Шығарма кейіпкерлерінің тағдыр соқпағында жаза басып, қателесіп, тауқыметті күндерді бастан кешкен оқиғалары баяндалады.

Рахымжанов, К. Таң күліп атады [Мәтін] : әңгімелер мен хикаят / К. Рахымжанов. – Алматы : Дәуір, 2024. – 316, [2] б.
Кітапқа белгілі қаламгердің кейінгі жылдары жазған және бұрын ұсынылмаған шығармалары енді.оқырманға етене таныс бүгінгі өмір тынысы мен өткен кезең бедері көркем әңгімелерде айшықты өрім тапқан.

Браун, Д. Да Винчи коды [Мәтін] : роман / Д. Браун; ағыл. тіл. ауд. Л. Қоныс. – Астана : Фолиант, 2024. – 448 б.
Роман оқырманын беймәлім құпияның ашылуының куәсі болуға итермелейді. Автор тергеудің жинақталған барлық тәжірибесін басты кейіпкер, Гарвард иконография және дін тарихы профессоры Роберт Лэнгдон арқылы көрсетеді.

Мұқанов, С. Ботагөз [Мәтін] : Роман / С. Мұқанов. – Астана : Фолиант, 2023. – 516 б.
Роман төңкерістік кезеңді шебер бейнелеген, қазақ еңбекшілерінің бостандық-теңдік жолындағы күресін көрсететін келелі туынды. Тарихи кезеңнің қиын-қыстау жылдарында бой жетіп, жаңа өмір үшін саналы күреске шығып, қоғамдық-саяси іске белсене араласқан Ботагөзден сол замандағы бүкіл қазақ әйелінің бейнесін көруге болады.

Мұқанов, С. Мөлдір махаббат [Мәтін] : Роман / С. Мұқанов. – Нұр-Сұлтан : Фолиант, 2022. – 576 б.
Роман Кеңес үкіметінің қылышынан қан тамып тұрған кезеңде Бүркіт пен Бәтес есімді екі жастың арасында бүр жарған кіршіксіз сезімді бейнелейді. Шоқтығы биік махаббат «Сүйген жар» бөлімінде баяндалады.

Тарази, Ә. Шығармалары [Мәтін] Т. 13 : Аударма. Никита Бичурин (Иакинф). Мыңқолдың төрт ханы / Ә. Тарази. – Астана : Фолиант, 2024. – 544 б.
Кітап мыңқолдың төрт ханы – Шыңқұз, Үкүтай, Күйүк, Мөңкө хаһандары жөнінде терең мағлұмат береді. Сонымен қатар «Болашаққа шегініс» эсселері ұсынылып отыр.

Шаштайұлы, Ж. Толық шығармалар жинағы [Мәтін] 3-том : Романдар / Ж. Шаштайұлы. – Алматы : Liber, 2024. – 564 б.
Үшінші томға соцреализмге бой алдырмай малшының машақатқа толы ауыр тіршілігі мен жастардың қажыр-қайратын суреттеген «Қызыл қар» романы еніп отыр. Сондай-ақ бұл томға атакәсіптің бейнетін белшесінен кешкен қазақтар, жаңа-жаңа қалаға ірге теуіп, үлкен мұрат көздеген болашақ зиялы қауым өкілдері суреттелетін «Замана илеуі» романы еніп отыр.

Табеев, Қ-М. «Құйынға» түскен ғұмыр [Мәтін] : деректі хикаят / М. Табеев Қ-М. – Алматы : ЖК «Тарпанбаева А. Ш.», 2024. – 344 б.
Үш күндік Желтоқсан дүрбелеңін өз көзімен көріп, көңіл зердесінен өткізе білген автор кейінірек осы оқиғаны жан-жақты зерттеген Парламенттік тексеру комиссиясының сарапшылар тобында белсенді жұмыс істеді. Халық қаһарманы Қ. Рысқұлбековтен бастап, желтоқсандық көптеген тұлғалардың өмір жолы, азаттық жолындағы күресі баяндалады.

Балқыбек, Ә. Қатардағы өлең [Мәтін] : Өлеңдер, балладалар, поэмалар, тарихи эсселер, әдеби мақалалар / Ә. Балқыбек. – Алматы : ЖК «Тарпанбаева А. Ш.», 2024. – 400 б.
Бабалар тарихына ақындық көзбен үңіліп, жұрт күтпеген батыл болжамдар жасау – бұл қолдарыңыздағы «Қатардағы өлең» жинағының басты ерекшелігі. Оның кейбір тұстары оқырман арасында қызу пікір-талас тудыратыны күмәнсіз.

Қаба, Ә. Қабір қазған [Мәтін] : өлеңдер жинағы / Ә. Қаба. – Алматы : Керемет медиа, 2024. – 216 б.
Оқиға желісі жазушының суреткерлік шығармашылық туындысы болғанымен, ел тарихын, өнері мен салт-дәстүрінің қадір-қасиетін дәріптей отырып, қаламгер патшалық Ресейдің қазақ жерін басып алған кездегі қасіретін, елі үшін арпалысып, отарлауға қарсы тұрған ерлерінің жанкештілігін де қатар өрбіте суреттейді.

Сматаев, С. Елім-ай [Мәтін] : роман. Т. 1 / С. Сматаев. – Алматы : Сардар, 2024. – 559 б.
Романның көркемдік құрылымында хандар мен сұлтандардың, билер мен батырлардың қалың қатары көрініс береді, халық, бұқара тіршілігі де кең орын алады. Тарихи дәуір, тарихи тұлғалар болмысы, халық өміріндегі трагедиялық әрі қаһармандық кезеңнің шындық оқиғалары пайымдалады.

Мамырбаева, Д. Мұң-толғақ [Мәтін] : хикаяттар, әңгімелер / Д. Мамырбаева. – Алматы : Керемет медиа, 2024. – 288 б.
Қазір осы киенің іргесі сөгіліп, мейірім азайып, адамгершілік жұтаған кезде болашақ ұрпақты қателіктерден сақтандырып, парасат пен ақылдың қасиеттерін бойға сіңіруге «Мұң-толғақ» кітабындағы әңгімелер оңды әсер етеді деп ойлаймыз.

Қалқа, Н. Жанымның жалауы [Мәтін] : өлеңдер, балладалар, толғаулар, деректі дастан / Н. Қалқа. – Алматы : Керемет медиа, 2024. – 152 б.
Ақынның жаңа жыр жинағына соңғы жылдар бедерінде жазған қоғам мен уақыт, ұлт пен рух, тіл мен діл, достық пен махаббат, т.б. тақырыптардағы жаңа өлеңдері, ел мен жер, қасиетті Отан туралы толғауы және туған ауылын көркейтуге өмірін арнаған еңбек адамы жайлы деректі дастаны енгізілген.

Фазылов, Н. Еске алсаң көңіл жадырар [Мәтін] / Н. Фазылов; (қазақ тіліне ауд. Х. Есенқарақызы) – Алматы : Дәуір, 2024. – 266 б.
Белгілі өзбек жазушысы Насыр Фазыл – өзбек пен қазаққа ортақ жазушы. Өйткені оның өзі де, шығармалары да қазақ халқымен тағдырлас, тамырлас. Екі елді тел емген жазушының жазбалары арқылы өзбек жазушылары жайында да көптеген мәліметтерге қанығуға болады.

Нұрмағанбетов, Т. Таңдамалы [Мәтін] 1 т: Әңгімелер / Т. Нұрмағанбетов. – Алматы : Мектеп, 2024. – 400 б.
Жазушының таңдамалы әңгімелері, негізінен, қазақ ауылының шынайы келбетін, олардың өмір сүру дағдысын бейнелеуге арналған. Әңгімелерде ауыл тұрмысындағы түрлі мамандықтардың өзіндік ерекшеліктері де сөз болады.

Қайран, Ә. Күмән мен күнә [Мәтін] : новеллалар / Ә. Қайран. – Алматы : Дәуір, 2024. – 223 б.
Қазақ прозасында новелла жанрының кенжелеп қалғаны рас. Осыған ерекше назар аударғандай болып, кейінгі жылдары новелла жазумен де айналысқан – белгілі ақын Ә. Қайран. Оның осы кітапқа енген новеллалары шымырлығымен және шынайылығымен ерекшеленеді.

Қаба, Ә. Сіз бақытты болыңыз [Мәтін] : өлеңдер жинағы / Ә. Қаба. – Алматы : Дәуір, 2024. – 203 б.
Ақынның өлеңдері ащы мысқыл ирониясы мен шыншылдықтан, өткір ойлардан тұрады. Автордың өлеңдері құрылысына, ішкі құрылымына сөз саптау мәселіне дөп түскен жұмыр тұтастық. Әр туындысында терең мағына, философиялық парасат бар.

Медеу, Б. Тіршіліктің майданы [Мәтін] : өлеңдер, толғаулар, поэмалар, айтыстар / Б. Медеу. – Алматы : Дәуір, 2024. – 215 б.
Монологтар түрінде жазылған дерекнама жырлар елтанымдық сипатымен құнды. «Намыс алауын көтерген Отан» поэмасы ешкімді бейжай қалдырмайды. Өлеңдердің тұла бойынан тіршіліктің майданын көресіз.

Балғабаев, С. Мәңгілік өмір-махаббат [Мәтін] : пьесалар / С. Балғабаев. – Алматы : ЖК «Сакенова», 2024. – 288 б.
Жинаққа «Қыл үстіндегі ғұмыр», «Өтірік айтпайтын адам», «Енелер мен келіндер», «Қызылорданың қыздары» және басқа да бұрын ешқандай кітапқа кірмеген он бір пьесасы топтастырылған.

Бақтыгерейұлы, С. Жүрек сөзі [Мәтін] : эсселер, әңгімелер, аударма / С. Бақтыгерейұлы. – Алматы : ЖК «Сакенова», 2024. – 294, [1] б.
Жинаққа жазушының туған жер тынысы жайлы эсселері мен әңгімелері топтастырылған. Сондай-ақ, оқырмандар орыс әдебиетінің классигі И. Тургеневтің өмірінің соңғы күндерінде жазған қысқа-қысқа ой-толғауларын автор тәржімесінде оқи алады.

Айтұлы, Н. Дүние – қобыз, мен – абыз [Мәтін] : өлеңдер, төрттағандар, ән-өлеңдер, арнаулар, толғаулар, жоқтаулар, поэмалар / Н. Айтұлы. – Алматы : ЖК «Сакенова», 2024. – 350, [1] б.
Бұл кітапқа ақынның өмірінің соңғы жылдары жазылған жаңа туындылары мен бұрын жеке жинақ болып жарық көрмеген, халыққа кеңінен таныс әнге жазылған өлеңдері енгізіліп отыр.

Мәмесейіт, Т. Тау мінезі [Мәтін] : хикаяттар / Т. Мәмесейіт. – Алматы : ЖК «Сакенова», 2024. – 397, [2] б.
Қаламгердің жаңа кітабы бірін-бірі толықтыратын төрт хикаяттан тұрады. Шығармалардың бәрінде де Адам – Табиғат – Тарих – Тағдыр сияқты төрт таған құбылыс желі болып тартылған.

Рақыш, А. Әмірдің монологы [Мәтін] : әңгіме, хикаяттар мен сыни мақалалар / А. Рақыш. – Алматы : ЖК «Сакенова», 2024. – 254, [1] б.
Жазушы, сыншы А. Рақыштың бұл жинағына соңғы жылдары жазған әңгімелері мен хикаяттары және сыни мақалалары топтастырылып отыр.
Қаламгер туындылары қазіргі қоғамның шындығынан бастау алған.

Ақсұңқарұлы, С. Рухтың шалқуы [Мәтін] : өлеңдер, поэмалар мен қарасөз / С. Ақсұңқарұлы. – Алматы : ЖК «Сакенова», 2024. – 421, [2] б.
Бұл кітапқа автордың соңғы жылдары жазған жаңа өлең, поэма, қара сөздері қамтылып отыр.

Қани, А. Егіз әуен, екі жұрт [Мәтін] / А. Қани. – Алматы : ЖК «Сакенова», 2024. – 216 б.
Тілі мен жерін шексіз сүйіп өткен ыстық жүректің иесі ұлт құндылықтарын дамытуға жанын сала еңбек етті. Қара сөздің құдіретін асқақтатқан ақиық ақынның шығармашылығы қазақ үшін баға жетпес байлық.

Иран-Ғайып (Иранбек Әбітайұлы Оразбаев) Ұлы өзен [Мәтін] / Иран-Ғайып (Иранбек Әбітайұлы Оразбаев) – Алматы : ЖК «Сакенова», 2024. – 296 б.
Ақынның өлеңдерінің алтын қазығы – халық қамын ойлау. Әсіресе, замана жайынан ой ұқтырып, қоғамның әлеуметтік жағдайын шыншылдықпен жырлаған сыншылдық сарын әсте қалмай, өлең өрімінде бірге дамып отырады.

Жүнісов, Қ. Кейіпкер ғұмыр [Мәтін] : драмалық шығарма / Қ. Жүнісов. – Алматы : ЖК «Сакенова», 2024. – 368 б.
Қанат Жүнісовтің «Кейіпкер ғұмыр» жинағына аталмыш талаптарға сай киносценарий, либретто және пьесалары енген.

Асқаров, Ә. Кертолғау мен ойтолғау [Мәтін] : Ардақты ағалар, замандастар мен құрдастар, ізетті інілер жайындағы ой-толғамдар / Ә. Асқаров. – Алматы : Тоғанай Т, 2024. – 365, [2] б.: сурет.
Әлібек Асқаровтың өзі қатар қызмет жасаған ардагер ағалары, зиялы әріптестері мен қаламдас замандастары жайында әр жылдары жазылған мақалалары, ой-толғамдары мен естеліктері топтастырылған.

Түменбай, Қ. Менің көзім арқылы [Мәтін] : эсселер, портреттер мен мақалалар / Қ. Түменбай. – Алматы : Тоғанай Т, 2024. – 365, [2] б.
«Менің көзім арқылы» жинағы атақты диқан Ы. Жақаев пен шопан Ж. Қуанышбаевтың еңбекке деген адалдығын, қаламгер-қайраткер Ш. Мұртаза мен ұлт патриоты А. Сәрсенбаевтың кісілік келбетін паш етеді.

Аманшаев, Е. Ә. Тәуба [Мәтін] : Проза, драматургия / Е. Ә. Аманшаев ; [алғы сөзі : Т. Әбдікұлы, А. Ким, Л. Аннинский] – Нұр-Сұлтан : Сарыарқа, 2020. – 327 б.
Дарынды автордың бұл жинағына бірқатар шет тілдеріне аударылып, Еуропа елдерінде жарық көрген, белді-белді халықаралық марапаттауларға ие болған танымал шығармалары енді.

Түменбай, Қ. Жан әуендері [Мәтін] : көсемсөз кітабы / Қ. Түменбай. – Алматы : Тоғанай Т, 2024. – 397, [2] б.
Жаңа жинақта жазушының көсемсөздік шығармалары, танымдық мақалалары мен деректі әңгіме-эсселері топтастырылып, өткен тарих пен бүгінгі күннің ең өзекті мәселелері жете қамтылып, қатар өрілген.

Әбдікұлы, Т. Таңдамалы [Мәтін] : үш томдық. Т. 2 : Роман. Пьесалар. Әңгімелер / Т. Әбдікұлы. – Астана : Фолиант, 2024. – 480 б.
Бұл роман қазақ даласындағы коллективтендіру кезеңін баяндайды. Шығармада аумалы-төкпелі шақтағы таптық күрестің шиеленісе дамуы шынайы көрініс тапқан, кейіпкерлер де дара, табиғи болмыстарымен есте қалады.

Берікқажыұлы, Д. Барельеф [Мәтін] : өлеңдер жинағы / Д. Берікқажыұлы. – Алматы : Керемет медиа, 2024. – 184 б.
«Барельеф» – Дәурен Берікқажыұлы шығармашылығының панорамасы іспеттес кітап. Мұнда жеке индивидтің жарты ғасырлық өткен өмір жолы ғана емес, жалпы социумның тәуелсіздік алғаннан кейінгі көңіл ауаны да бар.

Жағыпарұлы, Ж. Қыз қыран [Мәтін] : хикаяттар мен әңгімелер / Ж. Жағыпарұлы. – Алматы : Керемет медиа, 2024. – 176 б.
Бұл кітапқа белгілі жазушы-публицист Жылқыбай Жағыпарұлының әңгімелері мен хикаяттары, «Ақмола көтерілісі» атты естелік эссесі енгізілді.естелік эсседе автор өз басынан өткен оқиғаларды баяндайды.

Әбдірайым, Т. Түнгі жол [Мәтін] : әңгімелер / Т. Әбдірайым. – Алматы : Керемет медиа, 2024. – 216 б.
Бұл кітапқа соңғы жылдары жазған әңгімелері еніп отыр. Шығармаларының оқиғасы қызықты. Бүгінгі замандастарымыздың жан әлемін толғандырып жүрген қадау-қадау мәселелерді әр жақтан қозғап, ұрымтал да ұтымды деталь, диалогтар арқылы оқырман қауымға ұсынып отыр.

Мұқай, Ө. Көлеңке [Мәтін] : хикаяттар мен әңгімелер жинағы / Ө. Мұқай. – Алматы : Дәуір, 2024. – 271 б.
Автордың бұл жинағында үш хикая мен әңгімелері біріктірілген. Өзгермелі уақыт инерциясын оқырман жылдам аңғарады. Ол дегеніңіз, қазақ қоғамындағы диалектиканың деректі айғағы.

Ыбырайымұлы, Ә. Ақылға атой [Мәтін] : роман / Ә. Ыбырайымұлы. – Алматы : Дәуір, 2024. – 367 б.
Шығарма оқиғасы шиырлы әрі қазіргі заманғы кейіпкерлердің бейнесі сомдалған. Америкалық астронавт ғұлама Абайдың философиялық ойларын оқығанда, хакімнің жан дүниесіне ерекше құлқы ауады.

Аймағамбет, А. Білте шамның жарығы [Мәтін] : көркем шығармалар жинағы / А. Аймағамбет. – Алматы : Керемет медиа, 2024. – 224 б.
Жазушының бұл кітабына «Құрбанәлінің құдіреті», «Жазушы», «Жүлдегер», «Садақа», «Директор», «200 доллар» және басқа да әңгімелері мен «Миллионыншы тұрғын» повесі енгізіліп отыр.

Мәмет, С. Жалқы жан [Мәтін] : хикаяттар, әңгімелер, эсселер / С. Мәмет. – Алматы : Дәуір, 2024. – 368 б.
Кітаптың негізгі тақырыбы – арғы жылдардағы, қиын-қыстау тұстағы аналар шекке тағдыр тауқыметі, одан бергі өтпелі кезеңнің көріністері алуан түрлі кейіпкерлердің болмыс-бітімімен баяндалады, адам тағдыры, оның өскен ортасы жан-жақты сөз болады.

Балтабаева, Г. Оралхан шыңы [Мәтін] / Г. Балтабаева. – Алматы : Керемет медиа, 2024. – 184 б.
Бұл кітапта қазақ әдебиетіне өзіндік ерекше өрнегін қалдырған жазушы О. Бөкейдің прозалық туындылары бүгінгі күн тұрғысынан пайымдалып, қаламгер прозасындағы өзгеше өрнек пен өрелі ойдың мән-мазмұнын ашуға, бүгінгі заманның көкейкесті мәселелері ұлттық құндылықтар тұрғысынан қандай көркемдік шешім тапқанын анықтауға бағытталып отыр.

Үсенбаев, Б. Мезет [Мәтін]: Жыр кітабы / Б. Үсенбаев. – Алматы : Керемет медиа, 2024. – 216 б.
Жырсүйер қауымның ыстық ықыласына бөленген қаламгер оралымды ой, тегеурінді түйін, нәзік сезімге құрылған лирикалары арқылы адам жанының жұмбақ қырларын тап басып, ой толғаныстарын әдемі мәнермен жеткізеді.

Смайылов, Ә. Құс жолында біреу жүр жоқ қараған [Мәтін] : жыр кітабы / Ә. Смайылов. – Алматы : Керемет медиа, 2024. – 160 б.
Ақынның бұл жыр жинағына әр жылдары, әр кезеңде жазылған өлеңдері мен поэмалары енді. Өткен ғасырдың аяғы мен жаңа ғасырдың басын қамтитын туындылардан ескі заманның сипатымен қатар жаңа қоғамның кескін-келбетін де жазбай тануға болады.

Бейсенова, Ш. Мына жарық дүние [Мәтін] : хикаяттар мен әңгімелер жинағы / Ш. Бейсенова. – Алматы : Дәуір, 2024. – 279 б.
Жазушының бұл кітабына алуан сипатты кейіпкерлер тағдырын арқау еткен хикаяттары мен әңгімелері және мөлтек әңгімелер топтамасы жинақталған.

Досаев, Д. Ұлы даланың өр ұландары [Мәтін] : естеліктер, әңгімелер, мақалалар / Д. Досаев. – Алматы : Дәуір, 2024. – 206 б.
Кітапқа автордың өзі көрген, естіген жайларынан жазған естеліктері, мақалалары және бірнеше шағын әңгімесі енген.

Түменбаев, Қ. Қырмандағы қара торғай [Мәтін] : хикаяттар мен әңгімелер / Қ. Түменбаев. – Алматы : Дәуір, 2024. – 366 б.
Белгілі қаламгердің жаңа жинағына хикаяттары мен әңгімелері топтастырылған. Жинақтағы шығармалар мазмұндылығымен және жаңалығымен ерекшеленеді, бүгінгі күн мәселелерін алға қойып, суреткерлік шеберлігін танытқан.

Райыс, Б. Жаны жарық жұлдыздар [Мәтін] : өлеңдер, поэмалар / Б. Райыс. – Алматы : Алматы-Болашақ, 2024. – 224 б.
«Ахметтің айыбы» поэмасы Алаш арысының өнегелі өміріне арналса, «Кермененің кемелденуі» поэмасы ғылым мен ар жолы тұтастығының адамзат үшін маңызы жөнінде сыр аңғартады.

Аманов, Колан. Үрей [Мәтін] : деректі-көркем роман / К. Аманов. – Алматы : Балауса, 2024. – 280 б.
«Үрей» – өмірбаяндық роман. Автор өзінің өмірлік сынақтары мен тәжірибелерінің объективі арқылы қазақ халқының үлесіне түскен нақты оқиғаларды, апаттар мен азаптарды сипаттайды.

Оңғарсынова, Ф. Таңдамалы [Мәтін] : өлеңдер жинағы / Ф. Оңғарсынова ; [алғы сөзі М. Құлкенов] – Алматы : Сардар, 2024. – 575 б.
Ақынның бұл таңдамалы жинағы – тұтас бір тарихи-әдеби дәуірдің идеялық-көркемдік бейнесін жан-жақты сомдаған рухани құндылығымыз. Ф. Оңғарсынованың сонау 50-ші жылдардан бастап, әр жылдарда жазған сыр-толғанысқа толы поэзиялық шығармалары енген.

Жұмат-Әлмашұлы, Ж. Сөз жүрегі [Мәтін] : Көңіл кеңістегіндегі жазбалар / Ж. Жұмат-Әлмашұлы. – Алматы : ЖК «Сакенова», 2024. – 292, [2] б.
Кезекті танымдық жинақ екі бөліктен тұрады. Алғашқысы – «Ой кітабы», екіншісі – «Өмір кітабы» деп аталған. Қаламгердің оқырманды ойландырар әрқилы пікірлері жинақталған.

Медетбек, Т. Қайран өмір [Мәтін] : көркем шығармалар жинағы / Т. Медетбек. – Алматы : ЖК «Сакенова», 2024. – 285, [2] б.
Бұл көркемдік шығармалар жинағына автордың өз өмірі туралы, ата-бабалары, ұстаздары және елімізге еңбегі сіңген қайраткерлер мен ақын-жазушылар жайлы жазбалары енгізілген.

Соғыстан соң туғандар [Мәтін] : өлеңдер жинағы / [құраст. Ғ. Қалибекұлы] – Алматы : Дәуір, 2024. – 575 б.
Ғасырлы тарихы бар республикалық «Жұлдыз» әдеби журналында «Соғыстан соң туғандар» айдарымен біраз жыл елге танымал ақындардың өлең жырлары үздіксіз жарияланып келген болатын. Сол дүниелердің дені осы жинаққа топтастырылды.

Айғалиев, Е. Ажал аралының тұтқыны [Мәтін] : хикаят, эссе-роман, қос арналы тарихи роман / Е. Айғалиев. – Алматы : Дәуір, 2024. – 417, [6] б.
Автордың бұл жинағына – «Ажал Аралының тұтқыны» атты хикаяты мен «Сарайшық ханшасы және Иван Грозный» қос арналы тарихи романы еніп отыр.

Қуантаев, Н. Балкон [Мәтін] : әңгімелер / Н. Қуантаев. – Алматы : Дәуір, 2024. – 246 б.
«Балкон» жинағы автордың өзінің шығармаларынан және өзі тәржіма жасаған шетел жазушыларының новеллаларынан тұрады. Белгілі прозашының осы кітапқа енген он сегіз әңгімесі – оқырманын баурап алатын, көркемдігі жоғары шығармалар.

Дулатов, М. Бақытсыз Жамал [Мәтін] : Роман. Әңгімелер. Өлеңдер / М. Дулатов. – Астана : Фолиант, 2024. – 204 б.
Қаламгер өзі өмір сүрген қоғамның өзекті мәселелерін, халықтың әлеуметтік жағдайы мен психологиялық күйін шебер суреттейді. Қай шығармасы да сол заманның шынайы келбетін көрсетеді.
Бұл жинаққа «Бақытсыз Жамал» романы, әңгімелері мен өлеңдері еніп отыр.

Ахметова, З. Жетілік ұғым [Мәтін] / З. Ахметова. – Алматы : Атамұра, 2022. – 144 б.
Әдетте, жеті қазына жайлы естіп жүргенімізбен, жалпы, қазақтың жетілік ұғымы туралы толық жазылмаған екен. Автордың бұл кітабының ерекшелігі де осында.

Нұржеке-ұлы, Б. Таңдамалы шығармалары [Мәтін] / Б. Нұржеке-ұлы. – Алматы : Жалын, 2024. – 766 б.
«Әр әйелдің өмірі бір-бір кітап екені де рас. Әр баласының дүниеге келуінің өзі бір-бір хикаяға татиды. Әйелге қызықпайтын, әйелге сөз арнамайтын еркек болмайды. Бірақ солардың бәрі әйелдің бағасын біле бермейтіні де шындық» – деп түсінетін жазушының бұл кітабына таңдаулы екі романы енгізілді.

Амантай, Д. Пұт-кітап [Мәтін] : хикаяттар, роман / Д. Амантай. – Алматы : Дәуір, 2024. – 335 б.
Кітапқа автордың «Пұт-кітап», «Біреудің өмірі» деген және басқа да жаңа хикаяттары, сондай-ақ «Бақыт биохимиясы» атты романы енді.

Ихсан, А. Зор Білгамеһәм Қорқыт Аташ [Мәтін] : драмалық шығарма / А. Ихсан. – Алматы : Керемет медиа, 2024. – 328 б.
Пьесаға өзек болған «Гильгамеш» поэмасы. Автор Энкидуды Қорқыт Атамен ауыстыру арқылы жалпы түркіге ортақ дүниетанымды, түркілер философиясын шығарма арқауына айналдырып, идеясына қызмет еткізеді.

Асан, М. Жан терезесіндегі жарық [Мәтін] : жыр кітабы / М. Асан. – Алматы : «Сардар» баспа үйі, 2024. – 288 б.
Аталған жинақта қалам иесі адам жанының терең қатпарларына үңіліп, сезімнің нәзік иірімдеріне батыл бойлайды. Автор сондай-ақ өзінің азаматтық үнін ашық танытып, жаңашыл жас буынды отаншылдыққа, елдікке шақырады.

Қайранбаев, Қ. Жүрегіме тіл бітсе... [Мәтін] : өлеңдер мен толғаулар / Қ. Қайранбаев. – Алматы : Дәуір, 2024. – 240 б.
Жаңа жыр жинағына негізінен ақынның кейінгі жылдары жазылған шығармалары топтастырылып отыр.

Оразалин, Н. Биіктік [Мәтін] : мақалалар, эссе, толғаныстар / Н. Оразалин. – Алматы : Алматы-Болашақ, 2024. – 429, [2] б.
Бұл кітапқа Абай, Махамбет, Сүйінбай, Шәкәрім, Ә. Бөкейханов, М. Әуезов, С. Мұқанов, Ғ. Мүсірепов, Б. Момышұлы, т.т. уақыт, ұлт биігіне көтерілген тұғырлы тұлғалар туралы мақалалары мен эссе-толғаулары еніп отыр.

Оразалин, Н. Кеңістік [Мәтін] : мақалалар, эссе, толғаныстар / Н. Оразалин. – Алматы : Алматы-Болашақ, 2024. – 469, [2] б.
Бұл кітапқа автордың М. Мақатаев, О. Сүлейменов, Ш. Мұртаза, Ә. Кекілбаев, Т. Молдағалиев, Ф. Оңғарсынова, Қ. Ысқақ, Ә. Тарази, Н. Жақыпбай, т.т. секілді ұлттың рухани көкжиегін кеңейткен тұлғалар мен замандастарымыз туралы мақалалары және эссе-толғаулары еніп отыр.

Жылқыбаева, Ш. Күнекейдің елінде [Мәтін] : әдеби зерттеулер, көркем публицистика, сұхбаттар / Ш. Жылқыбаева. – Алматы : Тоғанай Т, 2024. – 777, [5] б.
Бұл кітапқа автордың ежелгі жапон мәдениетінің бастаулары мен бүгінгі даму белестері туралы зерттеу мақалалары енгізілген.

Уайсова, А. Ойтұмар [Мәтін] / А. Уайсова. – Алматы : Sardar G, 2024. – 229, [2] б.
«Зар заман ақыны» Шортанбай мұрасының зерттеушісі, Ақпарат саласының үздігі журналист А. Уайсованың бұл жинағында мерзімді баспасөзде жарияланған мақалалары мен еліміздің белгілі тұлғаларымен болған сұхбаттар топтастырылды.

Шәріп, А. Егеулі қалам [Мәтін] / А. Шәріп. – Алматы : Sardar G, 2024. – 365, [2] б.
Кітапта автордың әр жылдарда жазылған ғылыми-көпшілік тақырыптағы мақалалары мен эсселері топтастырылған. Кітап үш бөлімнент тұрады.

Қамзабекұлы, Д. Арайна [Мәтін] : зерттеулер мен мақалалар, сұхбаттар / Д. Қамзабекұлы. – Алматы : Тоғанай Т, 2024. – 523, [3] б.
Кітаптың ішіндегі қай зерттеуі мен мақаласын тілге тиек етсек те, Тәуелсіздіктен кейінгі қоғамдық-саяси, мәдени өміріміз бен руханият әлемімізге дендеп енген жаңалық, өзгерістер ағымына ілесе жазылған айтары анық, толғақты дүниелер.

Батыр, Н. Сөз – мінез [Мәтін] : әдеби сын, сұхбаттар мен новеллалар / Н. Батыр. – Алматы : Тоғанай Т, 2024. – 379, [3] б.
Бұл жинақ әдебиет саласында қалам тартып жүрген жас сыншының алғашқы таңдамалысы. Кітапқа әдеби сын мақалалар, сұхбаттар мен новеллалар топтастырылған.

Сарбалаұлы, Б. Азаттықты аманаттап [Мәтін] : әдеби сын эсселер / Б. Сарбалаұлы. – Алматы : Тоғанай Т, 2024. – 349, [1] б.
Кітап классик жазушымыз Ғ. Мүсірепов туралы өзіндік ой қозғап, К. Тоқаев, Г. Бельгер, Қ. Салғара, С. Балғабаев, Қ. Түменбай сынды он алты танымал тұлғалардың шығармашылық туындыларын саралаған сын эсселерінен тұрады.

Рамазанова, Ш. Сөз сарасы [Мәтін] : ғылыми зерттеулер / Ш. Рамазанова. – Алматы : Sardar G, 2024. – 293, [1] б.
Бұл жаңа кітап үш тараудан тұрады. Еңбектің жаңалығы мол, ғылыми сипаты басым, жеңіл оқылады.

Әбсадық, А. Алаш жолы және Ахмет Байтұрсынұлы [Мәтін] : ғылыми зерттеулер / А. Әбсадық. – Алматы : Тоғанай Т, 2024. – 302, [1] б.
Кітап ағартушы ұстаз, қазақ халқының рухани көсемі А. Байтұрсынұлының шығармашылық, ғұмырнамалық бел-белестерін, қайраткерлік тұлғасын отандық және шетелдік архивтік мұрағат, жеке мұрағаттар, өлкетанушылық мағлұматтар және экспедициялық материалдар негізінде зерделейді.

Әлімжанов, Б. Елдік пен Ерлік сырлары [Мәтін] : танымдық мақалалар, естеліктер, сұхбаттар / Б. Әлімжанов. – Алматы : Тоғанай Т, 2024. – 461 б.
Б. Т. Әлімжановтың кезекті кітабы айтары мол, танымдық дерегі мен дәйегінің аясы кең мақалалар мен ескірмейтін және әр жылдарда берген сұхбаттарынан тұрады.

Кемелбаева, А. Салхар [Мәтін] : эсселер, мақалалар, сұхбаттар / А. Кемелбаева. – Алматы : Тоғанай Т, 2024. – 334, [1] б.
Автордың «Мәжнүн жүрек», «Сөз хикмет», «Папирус» атауымен бұрын жарық көрген жинақтарына әр жылдарда республикалық баспасөз бетінде жарияланған эсселері мен әдеби портреттер, сұхбаттары енсе, бұл кітап жанры жағынан солардың рухани жалғасы болып табылады.

Нугуманова, А. 100 өнер қыраны [Мәтін] : зерттеу мақалалар / А. Нугуманова. – Алматы : Тоғанай Т, 2024. – 333, [2] б.
Кітапқа басы көне ғасырда өмір сүрген Қорқыт, ХІІ ғасырда Кетбұға, ХІV-XV ғасырларда Асан Қайғыдан бастау алса, одан кейін Ақтамберді, Бұқар жыраулар мен Махамбет, Тәттімбет, Сегіз сері, Құрманғазымен жалғасып, әйгілі өнер тарландарының соңы Нартай, И. Байзақов, Ш. Айманов, Н. Тілендиев, М. Мақатаевпен аяқталады.

Негимов, С. Абайдың даналығы [Мәтін] : монография / С. Негимов. – Алматы : Дәуір, 2024. – 271 б.
Кітапта қазақ жазба әдебиетінің негізін қалаушы, ойшыл, хакім, композитор, ұлт қайраткері Абайдың шығармашылық өнернамасы – көркемдік, пәлсапалық, ғылыми дүниетанымы тарихи-филологиялық тұрғыдан сараланып зерделенді.

Қожахметов, Қ. Таланты – ерек, табиғаты – бөлек [Мәтін] / Қ. Қожахметов. – Алматы : Тарпанбаева А. Ш., 2024. – 357, [1] б.
Жазушының шығармаларына, ізденістеріне байланысты өткен ғасырдың жетпісінші жылдарынан бастап бүгінге дейін сан алуан басылым беттерінде жарияланған ірілі-ұсақты дүниелер, арнау өлеңдерге шейін мұқияттылықпен ұсынылған.

Файзолла, А. Теңізден тамшы [Мәтін] : әдеби-танымдық мақалалары мен зерттеулер / А. Файзолла. – Алматы : Дәуір, 2024. – 188 б.
Кітапта әдеби-танымдық мақалалары мен зерттеулері енген. Онда ағылшын, француз, жапон, орыс, неміс, америкалық, ирландиялық т.б. қаламгерлердің романдарын, повестерін, әңгімелерін талдайды.

Тарақов, Ә. С. Адамзаттың ақыны – ақиқаты [Мәтін] : монография / Ә. С. Тарақов. – Алматы : Дәуір, 2024. – 366 б.
Кітапта ХХ ғасырдағы қазақ поэзиясының классигі, ұлы ақын М. Мақатаевтың шығармашылығы әлемдік әдебиет деңгейінде талданып, сарапталады.

Рсалиева, Н. Көркем аударманың келелі мәселелері [Мәтін] : (І. Есенберлиннің «Көшпенділер» трилогиясының орыс және ағылшын тілдеріндегі аудармаларының негізінде) / Н. Рсалиева. – Алматы : Sardar G, 2024. – 253, [2] б.
Бұл еңбекте І. Есенберлиннің «Көшпенділер» трилогиясының орыс тіліндегі аудармасы және орыс тілі арқылы жасалған ағылшын тіліндегі нұсқасы Кеңестік отарлау саясатының ықпалымен бұрмаланғаны айтылады.

Ғалым Оспанов=Галым Оспанов=Galym Ospanov [Мәтін] : альбом-каталог. – Алматы : Liber, 2024. – 96 б. : ил.
Сүйікті жанры – натюрморт. Оның кенептерінде заттар әртүрлі жолмен: факті ретінде, елес ретінде, абстракция ретінде өмір сүреді.

Батырханова, С. Арқаның абыз театры [Мәтін] : С. Сейфуллин атындағы Қарағанды облыстық академиялық қазақ драма театры / С. Батырханова. – Алматы : Тарпанбаева А. Ш., 2024. – 295 б.
Бұл кітаптан қазақ атты байтақ даланы мекендеген, сол ұлы даланың өзін сахнаға айналдырған табиғатынан өнерлі халықтың кенжелеп келген театр өнері қалай дамыды, оның бастауында кімдер тұрды деген сауалдарға жауап табасыз.

Әбдірахман, Г. Ғазиза Жұбановаға тағзым=Hotage to Gaziza Zhubanova [Мәтін]: ғылыми-деректі портрет / Г. Әбдірахман , Ү. Жұмақова; [ауд.: П. Шегебаев, Л. Бекболатова] – Алматы : Sardar G, 2024. – 220 [2] б. : фотосурет.
Қазақтың көрнекті композиторы Ғ. Жұбанованың шығармашылығы туралы кітапта оның өмірінің жалпы көркемдік-эстетикалық ұстанымы мен кезеңдері негізгі оқиғаларымен, шығармашылық жетістіктерімен сипатталған.

Айтбаев, Қ. Сал домбыра [Ноталар] / Қ. Айтбаев. – Алматы : Тарпанбаева А. Ш., 2024. – 167 б.
Бұл еңбекке зерттеушінің әр кезде жазған ғылыми-танымдық мақалалары енді. Мақалаларда автор дәстүрлі өнердің қыр-сырына бойлап, өзекті мәселелерді қозғайды.

Бейсембек, Т. Ерке самал [Ноталар] : Балаларға арналған әндер жинағы / Т. Бейсембек. – Алматы : Тарпанбаева А. Ш., 2024. – 133, [2] б.
Бұл жинаққа Т. Бейсембектің балаларға арналған әндері және оның «Самұрық келген таң» және «Ерке лақ» атты балалар операларынан үзінділері топтастырылған.

Нұрекеев, С. Қазақтелефильм : киножылнама [Мәтін] / С. Нұрекеев ; [құраст.-авт. Қ. Тұрсын] – Алматы : Тарпанбаева А. Ш., 2024. – 277, [2] б.: фотосурет.
Автор бұл жинақта өткен тарихты елеусіз қалдыру, уақытты соза берудің қисынсыздығын сезініп, қолдағы бар құжаттарды әрі өзі білетін режиссер-операторлар еңбектерін жинастырып, әріптестерден сұрастырып, осы еңбекті даярлады.

Сақай, Қ. Күміс қоңырау [Ноталар] : балаларға арналған әндер жинағы / Қ. Сақай ; [алғы сөзі Т. Қажыбаев] – Алматы : Тарпанбаева А. Ш., 2024. – 165, [2] б.
Кітапқа елу бір ән іріктеліп алынған, композиторы Құрметтің өзі болғанымен өлең текстерінің иелері сан алуан. Жобасы, балалар әдебиетін игеру қанша күрделі де құрметті болса, сол балалардың айтуына орайлы, мән-мағынасы ұғынықты, түсінуге жеңіл.

Хумарзах, А. Моңғолия қазақтарының сыбызғышылық өнері [Мәтін] / А. Хумарзах , А. Байтан. – Алматы : Тарпанбаева А. Ш., 2024. – 173, [2] б.
Аталған кітапта Моңғолия қазақтарының сыбызғышылық өнері туралы қарастырылды. Соның ішінде Баян-Өлгий сыбызғышыларының өмірі мен шығармашылығы туралы кеңінен баяндалды.

Әшімұлы, А. Актермін мен мың өліп, мың тірілген [Мәтін] / А. Әшімұлы. – Алматы : Дәуір, 2024. – 255 б.
Кітаптың негізгі арқауы – даңқты өнерпаздың ой-толғаныстары, көзқарастары. Кең тыныстап, терең толғаудың арасында аптығын басып, кітаптың тұздығы тәрізді қысқа қайырымдарға көшеді.

Иманғалиев, Б. Нарком Темірбек Жүргенов [Мәтін] / Б. Иманғалиев. – Алматы : Sardar G, 2024. – 294, [1] б.: сурет.
Бұл еңбекте Қазақстан мен Орта Азия республикаларындағы мәдениет пен әдебиет, оқу-ағарту саласының өркендеуіне өлшеусіз үлес қосқан көрнекті мемлекет және қоғам қайраткері, сыншы-публицист Темірбек Қараұлы Жүргеновтің жазған әдеби-публицистикалық мұрасы жинақталып, қайраткерлік-қаламгерлік қарымы сараланған.

Бопайұлы, Болат. Қазақ ырым-ғұрыптары [Мәтін] / Б. Бопайұлы. – Астана : Фолиант, 2024. – 64 б. - (Қазақ қазынасы).
Ұлтымыздың ырым-ғұрыптары – көнеден келе жатқан асыл мұра. Оның әрқайсысында терең мән жатыр. Адамды үлкен-кіші деп бөлмей, ішкен асы мен басқан тасына дейін – бәрін бірдей құрметтеп-қастерлеген халқымыздың даналығы осы ырым-ғұрыптарымыздан байқалады.

Жеңіс Туын желбіреткен – Рақымжан Қошқарбаев [Мәтін] : фотоальбом / [құраст. Ә. Көпіш ; басылымға қажетті фотосуреттерді, мұрағаттық деректемелер мен жарияланымдарды жинақтап баспаға ұсынған – Қ. Оспанова ; отбасылық құжаттары мен фотосуреттерін ұсынған – Ә. Қошқарбаева] – Алматы : Өнер, 2024. – 238 б.: сурет. - (Халық перзенті).
Қазақ халқының Қаһарман Перзенті – Рақымжан Қошқарбаевтың 100 жылдығына арналған бұл фотоальбомда біз – еліміздің көне қазыналарын бұрыннан терең зерделеп, жинақтап келе жатқан – республикалық «Өнер» баспасы болып, барынша зор мән беріп – Батырдың жеке Тұлғасы мен Тағдыры арқылы көне бабалар жортқан заманалармен бірге біздің осы – ХІХ, ХХ, ХХІ ғасырларға дейінгі Тарихи Ақиқат жолын бүгінгі оқырман қауымға анықтап жеткізуге тырыстық.

Сағадат Нұрмағамбетов – Халық Каһарманы №1 [Мәтін] : фотоальбом : 100 жылдық мерейтойына арналған / [құраст. А. С. Нурмагамбетова ; ауд. Ә. Аусатов] – Алматы : Алтын кітап, 2024. – 365, [2] б.: сурет.
Қазақстан Республикасының Бірінші қорғаныс министрі, Кеңес Одағының батыры, армия генералы Сағадат Қожахметұлы Нұрмағамбетовтің 100 жылдық мерейтойына арналған.

Айдарбаев, Ж. Ұлан дала [Мәтін] / Ж. Айдарбаев. – Алматы : ЖК Сакенова, 2024. – 286, [1] б.
Бұл еңбек – тарихтың тылсым қойнауында бір жайларда жер бетінен өшіп кетіп, ғайыптан қайта шығып «Мәңгі ел» асқақ арманын көкке ту етіп көтерген сол бір заманның көкжалдары – «ашына» көк түріктері жайлы тұңғыш қалам тербеліп отырған толғаныс.

Киндлер, Р. Сталиндік көшпенділер. Қазақстан билігі және ашаршылық=Stalins nomaden: Herrschaft umd hunger in Kasachstan [Мәтін] / Р. Киндлер ; ауд. Ө. Ахмет. – Астана : Фолиант, 2024. – 432 б.
Бұл кітап нақты тарихи деректерге сүйеніп жазылған, автор Ресейдің, Қазақстанның, Еуропаның архивтерін түгел ақтарып, осы тақырыптағы ғылыми еңбектер мен әдеби көркем шығармаларды да назарынан тыс қалдырмайды.

Қойшыбаев, Б. Тәуелсіздік һәм зиялылар [Мәтін] : тарихи миниатюралар, зерттеулер, мақалалар, сұхбаттар / Б. Қойшыбаев. – Алматы : Тоғанай Т, 2024. – 365, [2] б.: фотосурет.
Кітапта өткеніміздің белгілі-бір кезеңдеріндегі мәселелер жайлы уақытында қағаз және электронды бұқаралық ақпарат құралдары беттерінде жария еткен зерттеулері, тарихи миниатюралары, публицистикалық мақалалары, дөңгелек үстел материалдары, журналистердің сауалдарына берген жауаптары топтастырылған.

Шарапатұлы, Ш. Тынышпаев Мұхамеджан [Мәтін] : Қазақ халқының тарихы / Ш. Шарапатұлы ; [алғысөз Н. О. Дулатбеков, өмірбаяндық мақала: Ә. Тәкенов, Б. Байғалиев] – Қарағанды : TENGRI Ltd, 2024. – 263 б.
Жинаққа қазақ халқының қайраткер ұлы, қазақ тарихының, мәдениетінің, тұрмысының және қазақ рулары шежіресінің ірі білгірі, 1937 жылы репрессияға ұшыраған М. Тынышпаевтың кейбір көсемсөздері, ғылыми еңбектері мен өлкетану зерттеулері кіріп отыр.

Табеев, Қ-М. Ең соңғы майдан [Мәтін] / Қ-М. Табеев. – Қарағанды : TENGRI Ltd, 2024. – 395 б.
Бұл кітапта өр кеуделі қазақтың Желтоқсандағы ұлы күрескерлік рухы суреттелумен қатар, Шаңырақ, Жаңаөзен, Қордай, Алматыдағы Қаңтар оқиғаларының арасындағы көзге көрінбейтін ортақ байланыстар да қамтылады.

Момынқұл, Б. Момышұлы әлемі [Мәтін] / Б. Момынқұл. – Алматы : Sardar G, 2024. – 142, [1] б.
Бұл кітаптан ел арасында батыр жайлы айтылып жүрген аңыздардың ақиқатын, тарих бедерінде жұмбақ күйінде қатталып қалған жайттардың нақты жауабын таба аласыздар.

Сыздықов, С. Қарқаралы ұлы дала тарихында [Мәтін] : ғылыми-танымдық басылым / С. Сыздықов. – Астана : Фолиант, 2024. – 256 б.
«Қарқаралы» атауының қалыптасуы, этимологиясы және аталған өңірді көне дәуірден бері мекен етіп, кейін қазақ халқының қалыптасуына өз үлесін қосқан түркі ру-тайпалары туралы зерттеулерінің нәтижелері баяндалған.

Әбдуов, М. Шешеннің сөзі ортақ [Мәтін] : жинақ / М. Әбдуов. -- Алматы : Тоғанай Т, 2024. -- 317, [2] б. : сурет.
Жинаққа Орталық Қазақстан өңірінде өмір сүрген би-шешендердің әдеби мұрасы енгізіліп отыр. Олардың есімдері мен шешендік сөздерінің бір бөлігі оқырманға мәлім болғанымен, көпшілік туындылары жарыққа шықпаған тың мұралар.

Есім, Ғ. Әйгілі есімдер [Мәтін] : эсселер кітабы / Ғ. Есім. -- Алматы : Sardar G, 2024. -- 435, [3] б.
Кітапта есімдері әйгілі тарихи тұлғалар, қаламгерлер, қоғам қайраткерлері сөз болған. Автор тұлғалардың басты-басты ойларын нысанаға алып, оларды заман сынынан өткізуді мақсат еткен.

Ысқақұлы, Д. Сөз -- әлем әміршісі немесе рухани күш-қуаттың қайнар көзі [Мәтін] / Д. Ысқақұлы. -- Алматы : Sardar G, 2024. -- 286, [1] б.
Кітапта Адам Ата жаралғалы бері адамзат қоғамын толғандырып келе жатқан «Адам не үшін өмір сүреді; өмірдегі мақсат не; қайткенде бақытты болады?» деген секілді сауалдар төңірегінде ой өрбітіп, оған қоғам дамуының, білім-ғылымның бүгінгі күн биігі тұрғысынан жауаптар іздейді.

Әлімжанов, Б. Өмір сырлары [Мәтін] : танымдық әдебиет / Б. Әлімжанов. -- Алматы : Тоғанай Т, 2024. -- 332, [4] б.
Адам өмірдің сан қырлы, алуан сырлы, мың бұралаң жолын қалай жүріп өтеді? Кімге сеніп, неден күш алады? Имандылық, адамгершілік пен пендешілік кемшіліктердің күресі туралы ой-толғамдары қызықты, тартымды.

Смайыл, А. Ұлт. Азамат. Намыс [Мәтін] : зерттеу мақалалар / А. Смайыл. -- Алматы : Тоғанай Т, 2024. -- 318, [1] б.
Халық пен заман, қоғам мен билік, адам және адамзат арасындағы байланыс туралы ой толғап жүрген қаламгер, осы мәселелерге өркениеттердің тарихи даму процесстері арқылы талдау жасайды.

Әбсадық, А. Ұлы Дала аңыздары (XIII--XVIII ғғ.) : Жошы ұлысы және Қазақ хандығы кезеңі [Мәтін] : фольклорлық, тарихи-филологиялық талдау / А. Әбсадық. -- Алматы : Тарпанбаева А. Ш., 2024. -- 295 б.
Қазақ аңыздарының хронологиялық тұрғыдағы қайнар бұлақ, кең суат арнасының бірі -- Шыңғыс хан заманы, Жошы ұлысы дәуірі. Тарих керуенің бел-белестерінен асып жеткен фольклорлық мұра мен мирас Қазақ хандығы тұсында өмір сүрген тұлғалардың, тарихи оқиғалардың мазмұнымен толысты және толықтырылды.

Қондыбай, С. Арғықазақ мифологиясы [Мәтін] : 2-бас., толықт. / С. Қондыбай ; құрст. Б. Қондыбай. -- Алматы : Арыс, 2024. -- 1040 б.
Бұл іргелі еңбекте ғалым сөздің, яғни қазақ тілінің ішкі мүмкіндіктерін пайдалана отырып, байырғы мифтік танымды реконструкциялау жолдарын қарастырады. Сондай-ақ еңбекте мифтану арқылы тарихымыздың бағзы кезеңдерінің хронологиялық ретін, даму қаңқа-жобасын болжамдауға талпыныс жасалады.

Байхонов, С. Ғажайып тұнған жер [Мәтін] : танымдық әдебиет / С. Байхонов. – Алматы : Тоғанай Т, 2024. – 509, [2] б.
Кең байтақ Қазақстанның шығысы мен батысын, оңтүстігі және солтүстік өңірлерін жай шарлап қоймай, суреткерлік көз, талғампаз көңілмен зерделей қарап, халқымыздың өткені мен бүгінін тарихи-танымдық тұрғыда үндестіріп, кестелі көркем тілмен өрнектей білген өзгеше тынысты шығарма кім-кімді де қызықтырып, көкейінен шығары күмәнсіз.

Моро, С. Аннапурнадан аққан жұлдыз [Мәтін] / С. Моро ; қазақ тіл. ауд. Т. Данияров ; итальян. тіл. орысшаға ауд. А. Имашева. – Алматы : ЖК «Тарпанбаева А. Ш.», 2024. – 104 б.
Бұл кітапта автормен бірге ызғарлы түндер мен дауылды күндерді бастан кешесіз, қар көшкінінің құрсауынан ғажайып жағдайда тірі қалып, бар күш-жігерін қамшылап, лагерге жете алмай келе жатқан кейіпкерге ілесе жалғыздық пен шарасыздықтың күйін кешесіз.

Раушанов, Е. Құстар-біздің досымыз [Мәтін] / Е. Раушанов. – Алматы : Жазушы, 2024. – 400 б. : суретті.
Жинаққа аққу, ақсұңқар, қарлығаш, ұлар тәрізді отызға тартар қанатты достарымыздың құпия сырларын ақындық шабытпен шалқыта әңгімелеген қызықты да тартымды танымдық хикаялары енді.

Зарлы, Қ. Інжу–маржан [Мәтін] : тарихи-танымдық ғылыми зерттеу хабарлары / Қ. Зарлы. – Алматы : Тоғанай Т, 2024. – 382, [1] б.
Қазақ радиосының тарихи-танымдық «Інжу-маржан» хабары негізінде жазылған кітап. Алпамыс батыр, Саңғыл би, Алатау батыр, Бердіқожа батыр, Баян Қасболатұлы, Райымбек батыр, Әжібай батыр, Мүйізді Өтеген батыр туралы бір хабардан бастап бес-алты хабарға дейін жасап, зерттеуші ғалымдар мен жыршыларды, қоғам, мемлекет қайраткерлерін қатыстыруы мазмұнын байыта түседі.

Батырхан, Т. Бозжайнақ болмыс [Мәтін] : эсселер, сұхбаттар мен публицистикалық ой-толғамдар / Т. Батырхан. – Алматы : ЖК «Сакенова», 2024. – 253, [2] б.
Бұл жинаққа көзі қарақты көпшілікке кеңінен танымал тұлғалар туралы эсселері, сырлы сұхбаттары, сондай-ақ қоғамдық ой-санаға қозғау салатын публицистикалық толғамдары топтастырылған.

Мұқашев, С. Жасынды жылдар [Мәтін] : мақалалар / С. Мұқашев. – Алматы : Тоғанай Т, 2024. – 333, [2] б.
Бұл кітапқа әр жылдары баспасөз бетінде жарық көрген, әлі күнге өзінің өзектілігін жоймаған публицистикалық мақалалары мен әдеби шығармалары кіріп отыр.

Мүсіреп, Ғ. Тоғызыншы территория [Мәтін] : мақалалар, сұхбаттар / Ғ. Мүсіреп. – Алматы : Тоғанай Т, 2024. – 316, [3] б.
Бұл жинаққа журналистің танымдық, сараптамалық жарияланымдары топтастырылған. Публицистикалық туындылар тәуелсіздік жылдарындағы еліміздің рухани және саяси қалыптасу кезеңін, ұлттық құндылық ерекшелігін, тарихи тұлғалар болмысын, тарихи тамырлар сабақтастығын қамтиды.

Сейітқазы, П. Медиапедагогика: БАҚ, білім және тәрбие [Мәтін] / П. Сейітқазы. – Алматы : Sardar G, 2024. – 260, [3] б.
Еңбекте педагогика саласындағы жаңа бағыт – медиабілім мәселелері туралы баяндалады. Медиасауаттылық, медиамәдениет, цифрлық сауаттылық ұғымдары жан-жақты талданады.

Бөпежанова, Ә. Мәдениет – әлемнің тірегі [Мәтін] : Ой-толғамдар, сұхбаттар кітабы / Ә. Бөпежанова. – Алматы : Тоғанай Т, 2024. – 588, [3] б.
Бұл кітапта қоғамымыздың соңғы отыз жылдан аса уақыт аралығындағы рухани тынысы, әдебиет пен өнердегі үдерістер зерделенеді. Сыншы көрнекті әдебиет, өнер, қоғам қайраткерлерімен ұлт руханиятының өзекті мәселелерін мәдени контексте сөз ететін қызғылықты сұхбаттары берілген.